ആ രാത്രിയിൽ 6 [പ്രൊഫസർ ബ്രോ] 205

“സർ…”

ബൊലേറോയുടെ ബോണറ്റിൽ ചാരി ഫോണിൽ നോക്കിക്കൊണ്ടിരുന്ന ദേവൻ ഗംഗയുടെ ശബ്ദം കേട്ട് മുഖം ഉയർത്തി

“ഹാ…”

“സർ, ആ ജീവൻ കൊലക്കേസ് എന്തായി സർ, കൊലയാളിയെ ഉടനെ പിടിക്കുമോ…”

മറ്റെന്തോ പ്രതീക്ഷിച്ച ഗംഗയിൽ നിന്നും ഉണ്ടായ ആ ചോദ്യം ദേവനിൽ രോക്ഷം നിറച്ചു

“എന്തെങ്കിലും ഉണ്ടെങ്കിൽ അറിയിക്കാം…ഇത് പോലീസ് സ്റ്റേഷൻ ആണ് തന്റെയൊന്നും ജേർണലിസം ഇതിന്റെ ഉള്ളിൽ വേണ്ട…”

ദേവന്റെ എടുത്തടിച്ചുള്ള മറുപടിയിൽ ഗംഗ ഒന്ന് പതറിയെങ്കിലും അവൾ ഉടനെ തന്നെ സംയപനം വീണ്ടെടുത്തു

“സർ, ഇന്നലെ വേറെ ഒരാൾ കൂടി മരിച്ചു എന്നറിഞ്ഞു ,രണ്ട് കൊലകളും ചെയ്തത് ഒരാൾ തന്നെയാണോ സർ…”

“ആഹാ, ഒരു കാര്യം ചെയ്… താൻ ഈ പേപ്പറും പേനയും ഒക്കെ ഉപേക്ഷിച്ച് ഒരു ലാത്തിയും കയ്യിൽ പിടിച്ച് ഇന്ന് തൊട്ട് ഞങ്ങളുടെ കൂടെ പോരെ… എന്നിട്ട് സ്വന്തമായി അന്വേഷിച്ചോ…”

“അതിന് സർ എന്തിനാ ദേഷ്യപ്പെടുന്നത്…”

ഗംഗയോട് സംസാരിച്ചുകൊണ്ടിരിക്കുന്ന സമയത്ത് ദേവന്റെ ഫോൺ റിങ് ചെയ്തു, എന്തോ പറയാൻ വന്ന ഗംഗയെ തടഞ്ഞു കൊണ്ട് ദേവൻ ആ കാൾ അറ്റൻഡ് ചെയ്ത് ചെവിയോട് ചേർത്തു

“ഹലോ….,,,..,,., ഹലോ….,.,.,.,.,.ഹലോ ..,.,.,, ഏത്  മ.. മറ്റവനാടാ അത്”

കുറച്ചു സമയമായിട്ടും അങ്ങേത്തലക്കൽ നിന്നും മറുപടി ഒന്നും വരാതായപ്പോൾ തെറി പറയാൻ വന്ന ദേവൻ ഗംഗയുടെ മുഖത്തേക്ക് നോക്കിയതും മാറ്റി വിളിച്ചു

ഇതെല്ലാം കണ്ടുകൊണ്ട് ഗംഗ ചിരിക്കുകയായിരുന്നു