ആ രാത്രിയിൽ 6 [പ്രൊഫസർ ബ്രോ] 205

മന്ത്രിയുടെ വായിൽ നിന്നും തെറി കേട്ടതിന്റെ ഫ്രസ്‌ട്രേഷൻ തീർക്കാൻ അയാൾ അപ്പൊ തന്നെ മരക്കാരുടെ നമ്പറിലേക്കും കാൾ ചെയ്തു

♦️♦️♦️♦️♦️

മരക്കാരുടെ ഓഫീസിൽ നിന്നും ഇറങ്ങിയ ദേവൻ പുറത്തേക്ക് വന്നപ്പോൾ കാണുന്നത് രാജനുമായി സംസാരിച്ചുകൊണ്ട് നിൽക്കുന്ന ഗംഗയെ ആണ്,

പുറത്തേക്ക് ഇറങ്ങി വന്ന ദേവനെ കണ്ടതും രാജൻ അവന്റെ അരികിലേക്ക് വന്നു

“സർ, ഗംഗ വണ്ടി കിട്ടിയിട്ടുണ്ട് എന്നറിഞ്ഞു അതെടുക്കാൻ ആയി വന്നതാണ്…”

“ഹ്മ്മ്… എടുത്ത് കൊടുത്തേക്ക് രാജേട്ടാ… പിന്നെ ഒരു കംപ്ലയിന്റ് എഴുതി വാങ്ങിയേക്ക്, ഇന്നലെ കംപ്ലയിന്റ് വാങ്ങാൻ മറന്നു…”

രാജന് മറുപടി കൊടുത്തുകൊണ്ട് ഗംഗയുടെ മുഖത്തു നോക്കാതെ ദേവൻ ബൊലേറോയുടെ അരികിലേക്ക് നടന്നു , ദേവന്റെ ആ പെരുമാറ്റം ഗംഗയിൽ ചെറിയ ഒരു വേദന ഉണ്ടാക്കി

ദേവനെയും ഗംഗയെയും മാറി മാറി നോക്കിക്കൊണ്ടിരുന്ന രാജനും അത് മനസ്സിലായി, പക്ഷെ അതൊരു തുടക്കമായി കണ്ട രാജന്റെ ചുണ്ടുകളിൽ വിരിഞ്ഞത് ചിരി ആയിരുന്നു

“മോൾ ഇവിടെ നിൽക്കു, ഞാൻ റൈറ്റർ നെക്കൊണ്ട് ഒരു കംപ്ലയിന്റ് എഴുതിച്ചിട്ട് വരാം… ”

ഗംഗയെ മനപ്പൂർവം ദേവന്റെ അരികിൽ ഒറ്റക്ക് വിട്ടുകൊണ്ട് രാജൻ സ്റ്റേഷന്റെ ഉള്ളിലേക്ക് കയറിപ്പോയി

ദേവന്റെ അരികിലേക്ക് പോകണം എന്നുണ്ടെങ്കിലും ഉള്ളിൽ ഉള്ള ഈഗോ അവളെ അതിന് അനുവദിച്ചില്ല, പക്ഷെ അതിന് അവളുടെ ഉള്ളിൽ ഉദിച്ച ബുദ്ധിയുടെ ഫലമായി അവളുടെ ചുണ്ടുകളിൽ പുഞ്ചിരി വിടർന്നു

ഒരു ദീർഘ നിശ്വാസം വിട്ടുകൊണ്ട് ഗംഗ ദേവന്റെ അരികിലേക്ക് നടന്നടുത്തു