ആ രാത്രിയിൽ 6 [പ്രൊഫസർ ബ്രോ] 205

“That means അവളെ അയാൾക്ക് നേരത്തെ പരിചയം ഉണ്ട്, വെറും പരിചയം മാത്രമല്ല കുടുംബം വീട്ടിൽ ഇല്ലാത്ത സമയത്ത് വീട്ടിലേക്ക് കൂട്ടിക്കൊണ്ടുപോകാൻ പാകത്തിന് അടുപ്പം ഉണ്ട് എന്ന് സാരം…”

“അതേ സർ, പക്ഷെ ഞങ്ങൾ അദ്ദേഹത്തിന്റെ സഹപ്രവർത്തകരുടെ അടുത്തൊക്കെ അന്വേഷിച്ചു അദ്ദേഹത്തിനെക്കുറിച്ച് ആർക്കും അങ്ങനെ ഒരു അഭിപ്രായം ഇല്ല, അദ്ദേഹത്തിന് ഒരു പെൺ സുഹൃത്ത് ഉള്ളതായും ആർക്കും അറിയില്ല”

“ശരി, എന്തെങ്കിലും വിവരം കിട്ടിയാൽ എന്നെ അറിയിക്കണം, ഇതാണ് എന്റെ നമ്പർ…”

മരക്കാർ തന്റെ നമ്പർ അവരെ ഏല്പിച്ചുകൊണ്ട് അപ്പൊ തന്നെ അവിടെ നിന്നും ഇറങ്ങി

മരക്കാർ സ്റ്റേഷനിൽ എത്തുന്ന സമയത്ത് തന്നെ ദേവനും അവിടെ എത്തിയിരുന്നു, അയാൾ സ്റ്റേഷന്റെ ഉള്ളിലേക്കു കയറിയതും എല്ലാവരും ബഹുമാനപുരസരം എഴുന്നേറ്റ് നിന്നു

ഉള്ളിലേക്ക് കയറിയ മരക്കാർ ആദ്യം നോക്കിയത് സെല്ലിലേക്ക് ആണ്, ഒഴിഞ്ഞു കിടന്ന സെല്ലിൽ അടി കിട്ടി കവിള് നീരുവച്ച് വീർത്ത നിലയിൽ ഒരാളെ കണ്ടപ്പോൾ അയാൾ അങ്ങോട്ടേക്ക് നടന്നു

“ഇതെന്താ കേസ്…”

മരക്കാർ സെല്ലിന് അടുത്തു നിന്ന കോൺസ്റ്റബിളിന് നേരെ തിരിഞ്ഞു

“ദേവൻ സർ കൊണ്ട് വന്നതാണ് സർ, എന്താണ് കേസ് എന്ന് അറിയില്ല”

“ഹ്മ്മ്..ദേവനോട് എന്റെ ഓഫീസിലേക്ക് വരാൻ പറ”

“ശരി സർ…”

അയാൾ ദേവനെ വിളിക്കാനായി തിരിഞ്ഞു നടന്നതും മരക്കാർ തന്റെ ഓഫീസിലേക്ക് നടന്നു

ദേവൻ മരക്കാരുടെ ഓഫീസിൽ ചെല്ലുമ്പോൾ മരക്കാർ എവിടെന്സ് ബോർഡിന് മുന്നിൽ നിൽക്കുകയായിരുന്നു,അവൻ ആ ബോർഡിൽ ചില മാറ്റങ്ങൾ കണ്ടു