ആ രാത്രിയിൽ 6 [പ്രൊഫസർ ബ്രോ] 205

“സർ…”

ഓഫീസിനു പുറത്ത് രാജന്റെ ശബ്ദം കേട്ടതും കണ്ണടച്ച് കസേരയിൽ ചാരിയിരിക്കുകയായിരുന്ന ദേവൻ കണ്ണുകൾ തുറന്നു

“കേറിവാ രാജേട്ടാ…”

അവൻ വാക്കുകളിൽ പരമാവധി സാധരണത്വം കൊണ്ടുവരാൻ ശ്രമിച്ചു

രാജൻ അകത്തേക്ക് കയറിയതും ദേവൻ തന്റെ കസേരയിൽ നിന്നും എഴുന്നേറ്റു. രാജനെ നോക്കി ചിരിച്ചുകൊണ്ട് അവൻ അയാളുടെ അരികിൽ ചെന്ന് നിന്നു.

രാജൻ തന്റെ തലയിൽ നിന്നും തൊപ്പി ഊരി

“എന്താ രാജേട്ടാ…”

“ദേവാ… എന്താ നിന്റെ ഉദ്ദേശം…”

“എന്തുദ്ദേശം…”

“നീ ഇപ്പൊ എന്തിനാ ജലാലിനെ പറഞ്ഞു വിട്ട് ഫോട്ടോസ് എടുപ്പിക്കുന്നത്…”

“എനിക്കറിയണം രാജേട്ടാ ആരാ നമ്മുടെ മരക്കാർ സാറിനെ…”

സംസാരം അവസാനിപ്പിക്കുമ്പോഴേക്കും ദേവന്റെ ശബ്ദം ഇടഋജുടങ്ങിയിരുന്നു. അവനെ ആശ്വസിപ്പിക്കാൻ എന്നോണം രാജന്റെ കൈകൾ അവന്റെ തോളത്ത് അമർന്നു

“ദേവാ… എനിക്ക് ഭയം തോന്നുന്നുണ്ട്… ഈ മരണത്തിൽ വലിയ ആളുകളുടെ കൈകൾ ഉള്ളത് പോലെ തോന്നുന്നു… വേണ്ടടാ… ഈ കേസ് അവർ തന്നെ അന്വേഷിക്കട്ടെ…”

“രാജേട്ടാ… രാജേട്ടനും ഇത് വെറും ഒരു കേസ് ആയി ആണോ കാണുന്നത്… എന്നെ ഒരു അനിയനെ പോലെ കണ്ട ആളാണ് മരക്കാർ സർ… നാളെ എന്നെ ആരെങ്കിലും കൊന്നാലും രാജേട്ടൻ അത് വെറും ഒരു കേസായി കാണുമോ…”

ദേവന്റെ ആ ചോദ്യം രാജന്റെ വാ അടച്ചുകളഞ്ഞു