ആ രാത്രിയിൽ 6 [പ്രൊഫസർ ബ്രോ] 205

“ആ, കഴിഞ്ഞത് കഴിഞ്ഞു… എന്തായാലും ഇപ്പൊ നമുക്കൊരു കാര്യം അറിയാം… ജീവന്റെയും ശേഖരന്റേയും കൊലക്ക് കാരണമായത് ആ ഡോക്ടറിന്റെ മരണം ആണ്… അയാൾക്ക് ഒരു അനിയത്തി അല്ലാതെ ബന്ധുക്കൾ ആരും തന്നെയില്ല എന്നല്ലേ താൻ അന്ന് പറഞ്ഞത്… എന്തായാലും ആ പെണ്ണ് ഇപ്പൊ എവിടെ ആണ് എന്ന് അന്വേഷിക്ക്… പിന്നെ ആ ഡോക്ടറിന്റെ കൂട്ടുകാരെക്കുറിച്ചു അന്വേഷിക്ക്..”

“ശരി സർ…”

“ആ പിന്നെ , ആ സി.ഐ യുടെ മരണം, അത് തെളിയാത്ത ഒരു കേസായി അവസാനിക്കണം, അതേപോലെ അയാളുടെ കൂടെ ആ കേസുകളിൽ സഹകരിച്ചിരുന്ന എല്ലാവരെയും വിളിപ്പിച്ച് അവർക്ക് കൂടുതൽ ആയി എന്തെങ്കിലും തെളിവുകൾ കിട്ടിയിട്ടുണ്ടോ എന്നും അറിയണം…”

“ശരി സർ…”

“എന്നാൽ ശരി താൻ പോകാൻ നോക്ക്…”

സത്യന്റെ വിരലുകൾ ഒരിക്കൽക്കൂടി റിമോട്ടിന്റെ പവർ ബട്ടണെ അമർത്തി. അയാളുടെ കണ്ണുകൾ വീണ്ടും ടി.വി യിലേക്ക് കേന്ദ്രീകരിച്ചപ്പോൾ അയാൾക്ക് സല്യൂട്ട് ചെയ്ത് കൊണ്ട് ദേവരാജൻ അവിടെ നിന്നും പിൻവാങ്ങി

♦️♦️♦️♦️♦️

എറണാകുളം നോർത്ത് സി ഐ ഹൈദർ മരക്കാർ കൊല്ലപ്പെട്ടിരിക്കുന്നു…

രണ്ട് ദിവസം വാർത്താചാനലുകൾ മരക്കാരുടെ മരണം ആഘോഷമാക്കി. മൂന്നാം ദിവസം മറ്റൊരു വാർത്ത വന്നപ്പോൾ അവർ അതിന്റെ പിന്നാലെ ആയി

എന്നാൽ മരക്കാരുടെ മരണം തകർത്തിയ ഒരാൾ ഉണ്ടായിരുന്നു., ഒരു മേൽഉദോഗസ്ഥനിലും മുകളിൽ സ്ഥാനം മരക്കാർക്ക് നൽകിയിരുന്ന ദേവൻ,.

മരക്കാരുടെ ശരീരത്തിന് അന്തിമ ഉപചാരം അർപ്പിക്കുന്ന സമയത്ത് പെയ്ത മഴ തന്റെ കണ്ണുനീർ മറ്റുള്ളവരിൽ നിന്നും മറക്കാൻ പ്രകൃതി അനുഗ്രഹിച്ചത് പോലെയാണ് അവന് തോന്നിയത്

“സർ , സാറിന്റെ മരണത്തിന് കാരണക്കാർ ആയവർ ആരായാലും അവർക്കുള്ള ശിക്ഷ ഞാൻ വാങ്ങി നല്കിയിരിക്കും…. ഇതെന്റെ വാക്കാണ്…”

ആ ഖബറിന് മുന്നിൽ നിന്ന് അവസാനമായി ഒരിക്കൽക്കൂടി സല്യൂട് ചെയ്തുകൊണ്ട് ദേവൻ തിരികെ നടന്നു.