ആ രാത്രിയിൽ 6 [പ്രൊഫസർ ബ്രോ] 205

അവൻ കയ്യിലിരുന്ന ഫോൺ കട്ടിലിലേക്ക് വലിച്ചെറിഞ്ഞുകൊണ്ട് തലയിണയും കെട്ടിപ്പിടിച്ചു കമിഴ്ന്നു കിടന്നു ചിരിച്ചു

അടുത്ത നിമിഷം തന്റെ ദേവന്റെ ഫോൺ റിങ് ചെയ്തു തുടങ്ങി, ഒരു സെക്കന്റ്‌ കൊണ്ട് അവൻ ഫോൺ തന്റെ കൈപ്പിടിയിൽ ഒതുക്കി

ഗംഗയുടെ കാൾ പ്രതീക്ഷിച്ച സമയത്ത് രാജന്റെ കാൾ കണ്ടപ്പോൾ അവന്റെ മുഖത്തു ഒരു നിരാശ മിന്നിമാഞ്ഞു.

“രാജേട്ടാ…”

“,..,……….,.,..,.,.,.,.,….”

“വീട്ടിലാ രാജേട്ടാ…”

“,,..,.,.,.,.,,.,.,..,…”

“ആ പോരെ… ഞാൻ ഇവിടെ തന്നെ ഉണ്ടാകും”

രാജന്റെ കാൾ കട്ട്‌ ചെയ്ത ഉടൻ തന്നെ ദേവന്റെ ഫോൺ വീണ്ടും റിങ് ചെയ്തു. ഡിസ്‌പ്ലേയിൽ ഗംഗ എന്നെഴുതി വന്നതും ദേവന്റെ മുഖം സന്തോഷത്താൽ വിടർന്നു

വിറയ്ക്കുന്ന കൈകളാൽ അവൻ ആ കാൾ അറ്റൻഡ് ചെയ്ത് സ്പീക്കർ മോഡിൽ ഇട്ടു

“ഹ.. ഹലോ…”

അവന്റെ ശരീരത്തിൽ ഉണ്ടായിരുന്ന വിറയൽ ശബ്ദത്തിലും പ്രതിഫലിക്കുന്നത് അവന് മനസ്സിലായി. മുഖത്തെ ഉഴിഞ്ഞു വന്ന കൈകൾ വിയർപ്പിനാൽ കുതിർന്നിരുന്നു

“ഹലോ സർ… എന്തിനാ വിളിച്ചത്…”

“അത്… വെറുതെ… ”

“ആണോ… എന്നാൽ ഞാൻ വച്ചോട്ടെ…”

അവൾ ചിരി മറക്കാൻ ബുദ്ധിമുട്ടുന്നത് ദേവനും മനസ്സിലാകുന്നുണ്ടായിരുന്നു,.

“വയ്ക്കുവാണോ…”

“ആ, സാർ വെറുതെ വിളിച്ചതല്ലേ…”

“ആം..”

“എന്നാൽ,ശരി ബൈ…”

ദേവന് മറുത്തൊന്നും പറയാൻ സാധിക്കുന്നതിന് മുൻപ് തന്നെ ഗംഗ കാൾ കട്ട്‌ ചെയ്തിരുന്നു.