ആ രാത്രിയിൽ 6 [പ്രൊഫസർ ബ്രോ] 205

മരിക്കുന്നതിന് പതിനഞ്ചു മിനിറ്റ് മുൻപ് എന്ന് പറയുമ്പോൾ , അയാളും അയാളെ കൊന്ന ആ സ്ത്രീയും ആ വീട്ടിൽ ഉള്ള സമയത്ത്. അങ്ങനെ ആ സമയത്ത് അയാൾ അയാളുടെ ഭാര്യയെ വിളിക്കണം എങ്കിൽ ആ സ്ത്രീ വിളിപ്പിച്ചതായിരിക്കില്ലേ. അങ്ങനെ വിളിപ്പിച്ചതാണെങ്കിൽ അതിൽ കൂടുതലായി എന്തെങ്കിലും അയാളെക്കൊണ്ട് പറയിപ്പിച്ചിട്ടുണ്ടാവില്ലേ… അയാളുടെ ഭാര്യ എന്തോ മറക്കുന്നുണ്ട്… അതെന്താണെന്ന് കണ്ട് പിടിക്കണം..

മെഡിക്കൽ കോളേജിന്റെ പാർക്കിങ്ങിൽ വണ്ടി നിർത്തി ദേവൻ മരക്കാരെ കാണുവാനായി പോലീസ് സർജന്റെ റൂമിലേക്ക് നടന്നു. പക്ഷെ ദേവൻ വരുന്നതിനും കുറച്ചു സമയം മുൻപ് മരക്കാർ മറ്റൊരു വണ്ടിയിൽ കയറി പോയി എന്ന ഉത്തരമാണ് അവന് കിട്ടിയത്

♦️♦️♦️♦️♦️

ദേവൻ കയ്യിൽ ഫോണും പിടിച്ചുകൊണ്ട് കട്ടിലിൽ കിടക്കുകയാണ്, അവന്റെ ചുണ്ടുകളിൽ ഒരു പുഞ്ചിരി തത്തിക്കളിക്കുന്നു…

ഗംഗ എന്ന് സേവ് ചെയ്ത കോൺടാക്ട് ഡിസ്‌പ്ലേയിൽ തെളിഞ്ഞു നിൽക്കുന്നു.

അവന്റെ മനസ്സിന്റെ ഉള്ളിൽ ആദ്യമായി പ്രണയം തോന്നിയ പെൺകുട്ടിയെ ഫോൺ വിളിച്ചു സംസാരിക്കാൻ  പോകുന്നതിന്റെ ഭയവും ആകാംഷയും സമ്മിശ്രമായ വികാരം നിറഞ്ഞു നിൽക്കുകയാണ്…

ഓരോ പ്രാവശ്യം അവളെ കാൾ ചെയ്യാൻ പോകുമ്പോഴും അവന്റെ ഉള്ളിലെ ഭയം അവനെ പിന്നോട്ട് വലിക്കുന്നു

അവസാനം ധൈര്യം സംഭരിച്ച് അവൻ ഗംഗയുടെ കോണ്ടാക്ടിൽ ക്ലിക്ക് ചെയ്തു

കാൾ കണക്ട് ആകുന്നതിന്റെ ബീപ് ശബ്ദം അവന് സ്വന്തം ഹൃദയമിടിപ്പായി തോന്നി. അങ്ങേത്തലക്കൽ റിങ് ചെയ്ത് തുടങ്ങിയപ്പോൾ അത്രയും സമയം താൻ സംഭരിച്ചു വച്ചിരുന്ന ധൈര്യം ഒക്കെ എങ്ങോ പോകുന്നത് അവൻ അറിഞ്ഞു. യാത്രികമായി അവന്റെ വിരൽ ചുവന്ന ബട്ടണിൽ പ്രെസ്സ് ചെയ്തു

“ഓഹ്‌… എസ്.ഐ ആണത്രേ എസ്.ഐ … നാണമില്ലല്ലോ, ഒരു പെണ്ണിന്റെ അടുത്തു ഫോൺ വിളിച്ചു സംസാരിക്കാൻ പോലും ധൈര്യം ഇല്ലാത്ത എസ്.ഐ…”