ആതിര 4 [ആദിത്യൻ] 129

“”അത്.. നിവേ പറഞുകാണുമല്ലോ,, നേരെത്തെ നീ ചോദിച്ചത്,, അതു തന്നെ എനിക്ക് നിന്നെ ഇഷ്ടം ആണ് “”

പതറാതെ ഒറ്റയടിക്ക് i love you എന്നങ്ങു പറയാൻ ആയിരുന്നു പ്ലാൻ പക്ഷെ ആദ്യം തന്നെ ആംഗലേയം വേണ്ട,, കുറച്ചു ആത്മാർത്ഥത തോന്നണേൽ മലയാളത്തിൽ തന്നെ പറയണമെന്ന് തോന്നി നമ്മളാരും സായിപ്പൊന്നും അല്ലല്ലോ,,

അവളുടെ മുഖത്തേക്ക് നോക്കി പറഞ്ഞ് തുടങ്ങിയപ്പോൾ അല്പം പതർച്ച തോന്നിയെങ്കിലും,, പിന്നെ നമ്മുടെ മനസ്സാക്ഷി മച്ചാൻ പറഞ്ഞത് ആലോചിച്ചു കുറച്ചു ധൈര്യത്തിൽ തന്നെയാണ് ബാക്കി പറഞ്ഞത്

ഞാൻ പറഞ്ഞതുകേട്ട് കുറച്ചുനേരം അവളൊന്ന് ആലോചിച്ചു നിന്നു,, പിന്നെ ചിരിച്ചുകൊണ്ട് തന്നെ കാലാകാലങ്ങളായിട്ട് പേമ്പിള്ളേർ അമ്പിള്ളേരുടെ പ്രണയം നിരസിക്കാൻ പറയുന്ന സെയിം വളിച്ച ഡയലോഗ് തന്നെ അവൾ എന്നോട് പറഞ്ഞു

“”വിഷ്ണു,,, എനിക്ക് നിന്നെ ഇഷ്ടം ആണ്.. പക്ഷെ അതു ഒരു ഫ്രണ്ട് ആയിട്ടാണ്,, അതിനപ്പുറം ഒന്നുമില്ല,, നമുക്ക് അങ്ങനെ പോരെ “”

അവൾ പറഞ്ഞു നിർത്തിയപ്പോ സത്യം പറഞ്ഞാൽ ചിരിയാണ് വന്നത്,, കാരണം പ്രേതീക്ഷിച്ച അതെ ഡയലോഗ്,, നമ്മളോട് ഇതുവല്ലതും ഏൽക്കുവോ.. ഏത് തീയിൽ കുരുത്തത് വെയിലത്തു വാടുവോ..

ആദ്യം പറയാൻ വന്നപ്പോഴുള്ള പതർച്ച പോയെങ്കിലും ആദ്യ പ്രൊപോസലിന്റെ വിറയെന്നെവിട്ട് പോയില്ല,, അതു മറച്ചു പിടിക്കാൻ വേണ്ടി ഞാൻ കുറച്ചു അനങ്ങി അനങ്ങിയാണ് നില്കുന്നത്.

“”അതെന്താ ഫ്രിണ്ടിനെ പ്രേമിച്ചുടെ ?എനിക്ക് നിന്നെ ഇഷ്ട്ടവാണ്,, നീയിപ്പോ ഉടനെ ഒരുത്തരം പറയേണ്ട വീട്ടിൽ പോയി നല്ലോണം ആലോചിച്ചു ഇഷ്ടം ആണെന്ന് മാത്രം പറഞ്ഞാൽ മതി ?””