ആതിര 4 [ആദിത്യൻ] 129

“”എങ്കിൽ പോയി പറടാ,, അവള് നോ പറയുന്നെങ്കിൽ പറയട്ടെ,, വേറെ നല്ല സുന്ദരി പേമ്പിള്ളേർ നാട്ടിലില്ലേ…

പോയി പറടാ,, ശ്രെമിക്കാഞ്ഞിട്ടാണ് കിട്ടാത്തതെന്ന് പിന്നീട് നമുക്ക് തോന്നരുത്,, അതുകൊണ്ട് ചെല്ല്.. പോയി പറ “”

ആലോചിച്ചാൽ സംഗതി ശരിയാണ് ഞാൻ തുറന്ന് പറയത്തൊണ്ട് കിട്ടിയില്ലെന്നു പിന്നെ തോന്നരുത്,, വൗ എന്റെ മനസ്സാക്ഷി ഇത്ര ഭയങ്കരൻ ആയിരുന്നോ

എനിക്ക് സ്വയം അഭിമാനം തോന്നി ?

അവളുമാർ കുറച്ചു ദൂരമെ പോയിട്ടുള്ളൂ,, ഓടിപിടിച്ചു എത്തിയാൽ ആ വളവിന് മുൻപ് കിട്ടും,, പിന്നെ ചിന്തിച്ചു നിന്നില്ല അവളുമാരുടെ പിന്നാലെ വച്ചു പിടിച്ചു,, ഞാൻ ഓടുന്നത് കണ്ടു എന്റെ പിന്നാലെ അസിഫും,, ഞങ്ങൾ ചക്കരയും ഈച്ചയും ആണല്ലോ

ഓടിച്ചെന്നു അവളുമാരുടെ കുറച്ചു അകലത്തിൽ എത്തി ഞാൻ കുറച്ചു നേരം അണച്ചു നിന്നു,,വിളിക്കാൻ നിന്നില്ല അവളോട് മിണ്ടാൻ വേണ്ടി ഓടിപിടിച്ചു ചെന്നതാണെന്ന് അവളറിഞ്ഞാൽ എനിക്കൊരു കുറച്ചിൽ അല്ലെ അതുകൊണ്ട് ?

ശ്വാസം ഒന്ന് നേരെയാവുന്നത് വരെ ഞാൻ പതുക്കെ അവളുമാരുടെ പിന്നാലെ നടന്നു കൂടെ ആസിഫ് ഉണ്ടെന്ന് പ്രേത്യേകിച്ചു പറയണ്ടല്ലോ,, ഒച്ചു ഇഴയുന്നതുപോലെയാണ് രണ്ടിന്റെയും നടത്തം എന്തൊക്കെയോ സംസാരിക്കുന്നുമുണ്ട്.. വളരെ പതുക്കെയുള്ള സംസാരം ആയോണ്ട് ഒന്നും കേൾക്കാനും വയ്യ പുല്ല്

“”ആദി,, താൻ ഒന്ന് നിന്നേ..എനിക്ക് സംസാരിക്കാൻ ഉണ്ട് “”

ശ്വാസം ഒന്ന് സെറ്റ് ആയപ്പോൾ ഞാൻ അവളെ വിളിച്ചു,, വിളി കേട്ടപ്പോൾ തന്നെ രണ്ടും തിരിഞ്ഞു നോക്കി,, സംസാരിക്കാൻ ഉണ്ടെന്ന് പറഞ്ഞപ്പോൾ അവൾക്കും കാര്യം പിടികിട്ടിയെന്ന് മുഖഭാവത്തിൽ നിന്ന് വ്യക്തം,,ഞാൻ ഇതെന്തോക്കെ ആണ് ചെയുന്നത് എന്നറിയാതെ നിൽകുവാണ് ആസിഫ്,, എനിക്ക് അവളോടുള്ള താല്പര്യം അവന് അറിയില്ലല്ലോ,,ഞാൻ അല്പം മുൻപോട്ട് ചെന്നു,

അവൾ എന്റെ അടുത്തേക്ക് പതുക്കെ നടന്നു അടുത്ത് നിവേദിത ഞങ്ങൾക്ക് കുറച്ചു പ്രൈവസി തരാൻ എന്നോണം കുറച്ചു വിട്ടാണ് നില്കുന്നത്

“”എന്താ..?””

അവൾ എന്നെനോക്കി ചോദിച്ചു,, ഉച്ചയ്ക്ക് എന്റടുത്തു വന്നു ചോദിച്ചപ്പോഴുള്ള മുഖഭാവം അല്ലിപ്പൊ,, വളരെ സീരിയസ് ആയിട്ടുള്ള നോട്ടം,, അതെന്റെ മുഖത്തും നേരെത്തെയുള്ള ചമ്മൽ അല്ലല്ലോ