ആതിര 4 [ആദിത്യൻ] 129

അവളുടെ മുഖത്തുനോക്കാതെ പുറത്തേക്കും താഴേക്കും ഒക്കെ നോക്കിനിന്ന് ചിരിച്ചു, എന്റെ കാട്ടിക്കൂട്ടലൊക്കെ കണ്ടിട്ടാണോ എന്തോ അവളും ചിരിയടക്കാൻ പാടുപെടുന്നുണ്ട്

ദൈവരക്ഷപോലെ അന്നേരം ബെല്ലടിക്കുന്നത്.. ,ഹാവു

അവളുമ്മാര് ക്ലാസ്സിലേക്ക് പോയി ഞാൻ എന്റെ ക്ലാസ്സിലും

അവിടെവച്ചു ഞങ്ങൾ സംസാരിച്ചത് മറ്റുനാറികളൊന്നും കേട്ടിട്ടില്ല എന്നത് കുറച്ചു ആശ്വാസം ആയിരുന്നു

ക്ലാസ്സ്‌ നടക്കുമ്പോഴും എന്റെ മനസ്സ് അവിടെയൊന്നും ആയിരുന്നില്ല,, കഴിഞ്ഞുപോയ കാര്യംതന്നെ ആയിരുന്നു

ഞാൻ എന്താ അന്നേരം ഒന്നുംപറയാതിരുന്നേ?,പെണ്ണൊരുത്തി ധൈര്യമായി മുന്നിൽവന്നു ചോദിച്ചിട്ട് ഞാൻ ഒരുപോട്ടനെപോലെ ചിരിക്കുവല്ലേ ചെയ്തത്,,ചിരിച്ചു തള്ളേണ്ട കാര്യമാണോ പ്രേമം,,അവൾക്കുള്ള ധൈര്യം ആണൊരുത്തനായിട്ട് എനിക്കില്ലേ ?,അവളെന്തു കരുതിക്കാണും,, ഇതുപോലെ ധൈര്യമില്ലാത്ത ഒരുത്തനെ അവള് ഇഷ്ടപ്പെടുവോ അയ്യേ,,, എനിക്ക് തന്നെ എന്നോട് പുച്ഛം തോന്നി

അങ്ങനെ തലപുകഞ്ഞു കാടുകയറി ചിന്തിച്ചു അവസാനമൊരു കാര്യം തീരുമാനിച്ചു,, മനസ്സിലുള്ള ഇഷ്ടം, അത് ധൈര്യമായിട്ട് അവളുടെമുഖത്ത് നോക്കി പറയുക

പിന്നീട് ലാസ്റ്റ് പിരീഡ് കഴിയുന്നത് വരെയെനിക് ഇരിക്കപ്പൊറുതിയില്ലായിരുന്നു ഇതൊക്കെ കണ്ടു അടുത്തിരുന്ന ആസിഫ്,, നിന്നെ വല്ല ഉറുമ്പും കടിച്ചോടാ മലരേ എന്നൊരു ചോദ്യവും

അവസാന ബെൽ കേൾക്കേണ്ട താമസം ബാഗും എടുത്ത് ഒറ്റയൊട്ടം പുറത്തേക്ക്,, നേരെ മെയിൻ ഗേറ്റിന്റെ മുന്നിൽ പോയി നിന്നു,, ഞാൻ ഇതെന്ത് തേങ്ങയാ കാട്ടികൂട്ടുന്നെ എന്നറിയാതെ എന്നെ മിഴിച്ചുനോക്കികൊണ്ട് അസിഫും ഒപ്പം നിന്നു