അസ്രേലിൻ്റെ പുത്രൻ 1 [FÜHRER] 495

മറ്റാരെയെങ്കിലും ഇഷ്ടപ്പെട്ടിട്ടുണ്ടോടാ… ആ നീ തന്നെ അങ്ങേര്‍ക്കെതിരെ യുദ്ധം ചെയ്യാന്‍ പോകുമ്പോള്‍ ഞങ്ങള്‍ നോക്കി നല്‍ക്കണോ. മൈക്കിൾ ദേഷ്യത്തോടെ പറഞ്ഞു.

മൈക്കിളേ നിന്നോടു സംസാരിക്കാന്‍ എനിക്കു താല്‍പര്യമില്ല.. അപ്പനു പറയാനുള്ളത് അപ്പന്‍ പറഞ്ഞോളും നീ ഇതിന്റെ ഇടയില്‍ കിടന്നു ആളാകാന്‍ നോക്കല്ലേ.. ഈ ലൂസിഫറിനെ നിനക്ക് ശരിക്ക് അറിയാല്ലേ.. നീ അല്ല ഇവിടെ കൂടിനില്‍ക്കുന്നവര്‍ മൊത്തം തടഞ്ഞാലും ലൂസിഫര്‍ പറഞ്ഞതു നടത്തിയിട്ടേ പോകൂ.

ജനിപ്പിച്ച തന്തയോടു കൂറില്ലാത്ത നീ എന്തു ജന്മമാടാ.. സാത്താനെ.. മൈക്കിളിന്റെ വാക്കുകള്‍ സ്വര്‍ഗമാകെ അലയടിച്ചു. മൈക്കിളിന്റെ വിളി ചുറ്റും കൂടിനിന്ന മാലാഖമാരില്‍ പോലും നടുക്കം സൃഷ്ടിച്ചു.

പൊടുന്നനെ മാലാഖക്കുട്ടത്തിൽ നിന്ന് അസ്രേല്‍ ഇരുവരുടെയും നടുവിലേക്കു പറന്നെത്തി. പരസ്പരം പോരടിക്കാൻ നിന്ന ഇരുവരെയും അവൾ തടഞ്ഞു.

ടാ അപ്പന്റെ പേരില്‍ നിങ്ങള്‍ തമ്മില്‍ തല്ലാതെ അപ്പനു പറയാണുള്ളത് എന്താണെന്നു നിങ്ങള്‍ക്കു കേട്ടുകൂടെ.. അസ്രേല്‍ ഇരുവരോടുമായി പറഞ്ഞു. ഇരുവരും അവൾക്കു പ്രീയങ്കരരായിരുന്നു.

അസ്രേലേ നീ ഇവന്റെ പക്ഷം പിടിക്കുമെന്ന് എനിക്ക് അറിയാം.. നിനക്കെപ്പോഴും ഇവനോടാണെല്ലോ കൂറു കൂടുതല്‍.. അപ്പനെ എതിര്‍ത്ത ഈ സാത്താനു വേണ്ടി നീ എന്റെ മുന്നില്‍ വന്നാല്‍  മൈക്കിളിന്റെ കരുത്തു നീയും അറിയും. മൈക്കിൾ അവൾക്കു താക്കീതു നൽകി.

തൻ്റെ സഹോദരിക്കു നേരെ ഉതിർന്നു വീണ മൈക്കിളിന്റെ വാക്കുകള്‍ കേട്ട ലൂസിഫര്‍ ക്രോധം സഹിക്കാനാകാതെ സര്‍വ ശക്തിയുമെടുത്ത്  മൈക്കിളിനെ ആഞ്ഞു ചവിട്ടി.. അവന്റെ പ്രഹരത്തില്‍ സ്വര്‍ഗത്തിലെ മനോഹര ശില്‍പ്പങ്ങളും വൃക്ഷങ്ങളും തകര്‍ത്ത് അനേകായിരം പ്രകാശ വര്‍ഷം അകലേക്കു മൈക്കിള്‍ തെറിച്ചു വീണു..

മൈക്കിളിനെ ലക്ഷ്യമാക്കി തന്റെ പ്രകാശം പരത്തുന്ന ചിറകുകള്‍ വിരിച്ചു ലൂസിഫര്‍ പറന്നു.