അസ്രേലിൻ്റെ പുത്രൻ 1 [FÜHRER] 495

മാലാഖമാര്‍, അവരായിരുന്നു ദൈവത്തിന്റെ ഏറ്റവും മനോഹര സൃഷ്ടി.. തന്റെ ശക്തിയും ബുദ്ധിയുമെല്ലാം വിഭജിച്ചാണ്  ദൈവം ഓരോ മാലാഖമാരെയും സൃഷ്ടിച്ചത്. അവര്‍ക്കായി ഓരോ കര്‍മ്മങ്ങളും ദൈവം ദൈവം നല്‍കി. അവര്‍ ദൈവത്തിന്  പ്രീയപ്പെട്ടവരായിരുന്നു.  മിഖായേലും റാഫേലും ഗബ്രിയേലും അസ്രേലുമെല്ലാം ദൈവത്തിനേറ്റവും പ്രീയപ്പെട്ടവരും ദൈവത്തിൻ്റെ പ്രധാനപ്പെട്ട കര്‍മ്മങ്ങള്‍ ചെയ്യാന്‍ നിയോഗിക്കപ്പെട്ടവരുമായിരുന്നു.

മാലാഖമാര്‍ക്കിടയിലും ഒരുവന്‍ ഉണ്ടായിരുന്നു ദൈവം ഏറ്റവും കൂടുതല്‍ സ്‌നേഹിച്ചവന്‍. ദൈവം തന്റെ ഏറ്റവും നല്ല ഗുണങ്ങള്‍ ചേര്‍ത്തുവെച്ചു സൃഷടിച്ചെടുത്തവൻ. അവനെ ദൈവം ലൂസിഫര്‍ എന്നു വിളിച്ചു. അവന്‍ പ്രകാശമായിരുന്നു. നീതിയും ന്യായവും അവനായിരുന്നു. അവനോളം പോന്ന പോരാളി മാലാഖമാരില്‍ മിഖായേല്‍ മാത്രമായിരുന്നു.

ഓരോ ദിനവും ദൈവം കൂടുതല്‍ കൂടുതല്‍ ലൂസിഫറിനെ സ്‌നേഹിച്ചുകൊണ്ടിരുന്നു. പുലര്‍കാല സൂര്യകിരണങ്ങള്‍ പതിച്ചിട്ടും ശോഭകെടാതെ ആകാശത്ത് പ്രകാശിച്ചു നില്‍ക്കുന്ന ലൂസിഫറിനെ ദൈവം സ്‌നേഹവാല്‍സല്യങ്ങളോടെ എന്നും നോക്കിക്കണ്ടു.

ലൂസിഫറും ദൈവത്തെ അത്യധികം സ്‌നേഹിച്ചരുന്നു. അവൻ ദൈവത്തിൻ്റെ മുന്നണി പോരാളിയായിരുന്നു. പക്ഷേ നാളുകൾ കഴിയുന്തോറും ദൈവത്തിന്റെ ഓരോ പ്രവര്‍ത്തികളും കാണ്‍കേ അവ പക്ഷപാതപരമാണെന്നു ലൂസിഫറിനു തോന്നി.  താനടക്കമുള്ള ഓരോ സൃഷ്ടിയിലും തന്റെ പിതാവായ ദൈവം പക്ഷപാതപരമയാണു പ്രവര്‍ത്തിച്ചതെന്ന ചിന്ത അവനെ പിടിച്ചുലച്ചു.

ഓരോ ദിവസവും അവന്റെയുള്ളില്‍ ആ ചോദ്യം അലതല്ലി. ഒടുവിൽ തൻ്റെ ആത്മസങ്കർഷങ്ങൾ സഹിക്കവയ്യാതെ അവന്‍ തന്റെ പിതാവിനെ ആദ്യമായി ചോദ്യം ചെയ്തു. ഒരു പുഞ്ചിരിയോടെ പിതാവായ ദൈവം അവനോടു പറഞ്ഞ ഉത്തരം ലൂസിഫറിന് ഒരിക്കലും അംഗീകരിക്കാന്‍ കഴിയുമായിരുന്നില്ല..

മടങ്ങിപ്പോയിട്ടും ലൂസിഫറിനു തൻ്റെ പിതാവിന്റെ ചെയ്തികളെ ന്യായീകരിക്കാന്‍ ആവാതെ അവന്‍ ദുഖിതനായിരുന്നു. തന്റെ സ്‌നേഹത്തിനുപരി മറ്റു ജീവനുകളെ  സംരക്ഷിക്കേണ്ടത് തൻ്റെ കർത്തവ്യമാണെന്നു അവൻ തിരിച്ചറിഞ്ഞു.