അയനത്തമ്മ 3 ❣️[Bhami] 56

“തേവർ കുലത്തിന്റെ ഏക പെൺ തരി നന്ദിനി കുട്ടിടെ മരണം ” അതാണ്  ഇരുവീട്ടുക്കാരുടെയും ശത്രുതയ്ക്ക്  മുഖ്യ കാരാണം.

ബാല്യത്തിൽ ശ്രീപാർവതിയമ്മയുടെ സഹോദര പുത്രൻ  ചെയ്ത് പോയ അബന്ധം ആയിരുന്നു നന്ദിനിയെ മരണത്തിൽ എത്തിച്ചത്. മനസ്സ് മറന്നു വച്ച ഓർമ്മകൾ വീണ്ടു ഉണ്ണി നമ്പൂതിരിയുടെ മുന്നിലേക്ക് വന്നു നിന്നു.

****** ******* ********* **************  **************

“ഏഴിലം പാലയ്ക്ക് സമീപം യക്ഷിയുണ്ട് ”
നീ കണ്ടിരുന്നോ നന്ദിനൂട്ടി നല്ല ഭംഗിയാ …. മുട്ടോളമുണ്ട് മുടി …. ശങ്കരൻ പറഞ്ഞു.
നിനക്ക് എന്ത് ആഗ്രഹം വേണമെങ്കിലും  യക്ഷിയോടു ചോദിക്കാം…”

“ആണോ ….. എനിക്ക് നീലത്താമാരെടെ ഇതളു വേണം …. തരുമോ യക്ഷി ? ”

“പിന്നെ ….ഒറപ്പായിട്ടും .  ശങ്കരൻ  അതു പറഞ്ഞ് സതിയേ നോക്കി കണ്ണിറുക്കി.

“വൈകിട്ട് നാഗ പാട്ട് കേൾക്കാൻ വന്നാൽ അവിടെ പോയി നോക്കണം ”
നന്ദിനി തീരുമാനിച്ചു.

“ദേവിയേച്ചി തിരക്കാവും സുമംഗലേച്ചി ബല്യ ഗമക്കാരിയാണ്.. സുമിത്രേച്ചിയേ വിളിക്കാം ”

കളമെഴുത്ത് തുടങ്ങി …. ഏല്ലാവരും തിരക്കിലാണ്… ഇതു തന്നെ സമയം.
സുമിത്രേച്ചിക്ക് അയിത്തപോലും വരാൻ പറ്റില്ലെന്ന് …. ഒറ്റയ്ക്ക് പോവാ തന്നെ. ….

അയനത്ത് കുളം ലക്ഷ്യമാക്കി ആ പട്ടുപാവാടക്കാരി  നടന്നു ……..
വരാൻ പോകുന്നതെന്തെന്ന് അറിയാതെ …..

View post on imgur.com

ഇരുട്ടു വ്യാപിച്ച കുളകടവിൽ താണ്ഡവം ചവിട്ടുന്ന എഴിലം പാലയ്ക്കരികിലേക്കാണവൾ പോയത് .
നാവോരൂട്ട് കഴിഞ്ഞു പിറ്റേന്ന് എവിടെയെല്ലാം തിരഞ്ഞു. അയനത്തുകുളത്തിന്റെ ആഴങ്ങളിൽ അസ്ഥമിച്ചു പോയിരുന്നു അവൾ.

കാരണം തേടിയലഞ്ഞപ്പോൾ ശങ്കരൻ  കളിയായി ചെയ്ത കാര്യത്തിന്റെ കെട്ട് സതി അഴിച്ചു.