അപ്പുവിന്റെ അച്ഛൻ [കിസ്മത് നൗഫു ] 4710

ഓർമകൾ എട്ടു വർഷം മുന്നേ ഉള്ള മനോഹരമായ കലാലയ കാലഘട്ടത്തിലേക്ക് ചേക്കേറി…

ഒരു കൊച്ചു മലർവാടി….. പാറിനടക്കും ആയിരകണക്കിന് പൂമ്പാറ്റകൂട്ടങ്ങൾ…. അതായിരുന്നു ക്യാംപസ്.

ബി എഡ്‌ അവസാനവർഷ വിദ്യാർത്ഥി ആയിരിക്കുമ്പോഴാണ് ഗസ്റ്റ് ലെക്ചറർ ആയി ശ്യാംമോഹൻ സർ ക്യാമ്പസിന്റെ പടി കടക്കുന്നത്.

യുവകോമളനായ അദ്ദേഹം സൗന്ദര്യത്തിൽ മുൻപന്തിയിലായിരുന്നു.

ആദ്യകാഴ്ചയിൽ തന്നെ അദ്ദേഹം പെണ്കുട്ടികളുടെ മനസു കീഴടക്കിയിരുന്നു.

തന്റെ മനസിലും പ്രണയത്തിന്റെ വിത്തുപാകൻ ഏറെനേരം എടുത്തില്ല.

ആ അധ്യയനവര്‍ഷം തീർത്തും നിശബ്ദം പ്രണയിച്ചു താൻ.

ഒരു ലെക്ചറോഡ് പ്രണയം തുറന്ന് പറയാനുള്ള ധൈര്യം ഒന്നും എന്നിൽ ഇല്ലായിരുന്നു.

എന്നിട്ടും എന്നിലെ പ്രണയം നിറഞ്ഞു കവിഞ്ഞു മറ്റുള്ളവർക്ക് തിരിച്ചറിയാൻ പാകമായപ്പോൾ കൂട്ടുകാരിയുടെ ഉപദേശത്തിന് പുറത്തു എന്നിലെ പ്രണയിനിയെ ശ്യാം സാറിനു മുന്നിൽ തുറന്നു കാട്ടാൻ തന്നെ തീരുമാനിച്ചു.

താൻ ഒത്തിരി വൈകിപോയെന്നു മനസിലായത് തനിക്കു തൊട്ടുമുന്നേ ഇഷ്ടം തുറന്നു പറയാൻ എത്തിയ മറ്റൊരു കുട്ടിയെ കണ്ടപ്പോഴാണ്.