അപ്പുവിന്റെ അച്ഛൻ [കിസ്മത് നൗഫു ] 4278

ശ്യാമേട്ടൻ ഇല്ലാതെ തനിക്കോ താനില്ലാതെ ഏട്ടനോ ജീവിതം ഇല്ലെന്നുള്ള അവസ്ഥ…. ഇത്രത്തോളം സന്തോഷം തന്ന ദൈവം ഒരു കുഞ്ഞിനെ ഞങ്ങൾക്ക് തന്നിരുന്നില്ല.

ഏറെ വിഷമമുണ്ടെങ്കിലും അന്യോന്യം പ്രകടിപ്പിച്ചിട്ടില്ല.

പ്രണയവേഴ്ചകളുടെ ആലസ്യത്തിൽ ആ നെഞ്ചോട് ഒട്ടികിടക്കും വേളയിൽ തന്റെ ഉദരത്തിൽ തലോടുന്ന കൈകൾ കാട്ടിതന്നിരുന്നു ഒരു കുഞ്ഞിനായി കൊതിക്കുന്ന ഏട്ടന്റെ മനസു.

അദ്ദേഹം ദൈവത്തിനു ഏറെ പ്രിയപ്പെട്ടവനായതിനാലാവാം വൈകാതെ ആ സന്തോഷവും ഞങ്ങൾക്ക് നൽകിയത്.

തന്റെ ഉദരത്തിൽ മോട്ടിട്ട കുഞ്ഞു ജീവന്റെ വരവ് ആദ്യം തന്നെ അവന്റെ അച്ഛനെ അറിയിക്കാൻ ഉള്ളം വെമ്പിയതും ജോലി സ്ഥാലതാണെന്നു കൂടെ ഓർക്കാതെ ഫോൺ വിളിച്ചറിയിച്ചു.

കുഞ്ഞിനും അമ്മക്കും അച്ഛനെ കാണാൻ കൊതിയാവുന്നു വൈകിട്ട് പെട്ടെന്ന് വരാൻ ആവശ്യപെടുമ്പോൾ അറിഞ്ഞിരുന്നില്ല

അച്ഛന് കുഞ്ഞവെ കാണാൻ തിടുക്കം കൂടുതൽ ആണെന്നും ഹാൾഫ് ഡേ ലീവു പറഞ്ഞു എത്രയുംപെട്ടെന്ന് വീട്ടിലേക്കു വരുമെന്നും…..
ആ വരവോടെ ഒരു കുടുംബം ശിഥിലമാവുമെന്നും.

കുഞ്ഞിനെ കാണാനുള്ള ആവേശത്തിൽ സിഗ്നൽ ശ്രദ്ധിക്കാതെ ബൈക്കു ഓടിച്ചതും എതിരെ വന്ന ബൈക്കുമായി കൂട്ടിയിടിച്ചു കാര്യമായ പരിക്കുകൾ പറ്റിയില്ലെങ്കിലും വീഴ്ചയിൽ ഹെൽമറ്റ് തെറിച്ചു വീണ് തല ശക്തിയായി റോഡിലിടിച്ചു.