റോമിയോ ആൻഡ് ജൂലിയറ്റ് 2

Author : Sanju | Previous Part

സമയം 3മണി ആയി. എന്നാലും വായന നിർത്താനും തോന്നിയില്ല. പിന്നെയും ഒരുപാട് ഒരുപാട് കഥകൾ വായിച്ചു. അരുണിന്റെ എഴുത്ത് അത്രയും മനോഹരമായിരുന്നു. ഒരു പന്ത്രാണ്ടം ക്ലാസ്സ്‌ വിദ്യാർത്തിയുടെ എഴുത്ത് അവന്റെ ചിന്തകൾ ശരിക്കും സുന്ദരമായിരുന്നു. അവൻറെ ഈ കഴിവ് ലോകം അറിയുന്നതിന് മുന്നേ അവൻ ഈ ലോകത്ത് നിന്നും പോയി.

വായിച്ചു വായിച്ചു അവസാന കഥ എത്തീ. വായിച്ചു തീരാറായല്ലോ എന്ന് ഓർത്ത് മനസ്സിൽ ഒരു വിഷമം പോലെ. അങ്ങനെ പുലർച്ചെ 4മണി. അവസാനത്തെ കഥ. അത് കൂടി വായിച്ചു കിടക്കാം എന്ന് തീരുമാനിച്ചു.

അതുപോലെ തന്നെ ആ കഥയുടെ പേരും മനസ്സിൽ ഒരു ആകാംഷ ഉണ്ടാക്കി.

❤റോമിയോ ആൻഡ് ജൂലിയറ്റ് ❤

ഇത്രയും നേരം വായിച്ചതിൽ ഒരു ലവ് സ്റ്റോറി പോലും ഇല്ലായിരുന്നു എന്ന് അപ്പോഴാണ് ഓർത്തത്. ഇത് പേര് കേട്ടിട്ട് ഒരു ലവ് സ്റ്റോറി ആണെന്ന തോന്നുന്നത്. എല്ലാ കഥകളിലും വച് ഒരുപാട് വലുതായിരുന്നു ഈ കഥ. എനിക്ക് പണ്ട് മുതലേ ലവ് സ്റ്റോറീസിനോടും അധികം താല്പര്യം ഇല്ല. ഇതുവരെ ഉണ്ടായിരുന്ന എല്ലാം നല്ല കഥകൾ ആയിരുന്നു. ഇതും മോശമാകാൻ സാധ്യത ഇല്ല.എന്ന പ്രതീക്ഷയിൽ വായന തുടങ്ങി.

വായിച്ചു വായിച്ചു ഓരോ പേജ് കഴിയും തോറും ഞാൻ പോലും അറിയാതെ ആ കഥയിലും ലയിച്ചു പോയി. ബാക്കി കഥകൾ പോലെ തന്നെ ഇതും മനോഹരമായ ഒരു കഥയായിരുന്നു. അല്ല…. അതിനെകളൊക്കെ വായിക്കുന്നവനെ പ്രേമിക്കാൻ തോന്നിപ്പിക്കുന്ന ഒരു പ്രണയ കാവ്യം ആയിരുന്നു അത്. അതും ഒരു പന്ത്രാണ്ടം ക്ലാസ്സ്കാരന്റെ തൂലികയിൽ നിന്നും. കഥയിലെ അനുരാഗ നിമിഷങ്ങളിൽ ഞാനും അറിയാതെ ഒരു കാമുകനായി. എന്നാൽ യഥാർത്ഥ റോമിയോയെയും ജൂലിയേറ്റീനെയും പോലെ ഇതും ഒരു ട്രാജിക് ലവ് സ്റ്റോറി ആയിരുന്നു. വീട്ടുകാരലും സമൂഹത്താലും ഒന്നിക്കാൻ കഴിയാതെ ഒരേ സമയം കൈ നരമ്പ് മുറിച് ആത്‍മഹത്യ ചെയുന്ന ഇന്നത്തെ കാലത്തെ ഒരു റോമിയോയും ജൂലിയേറ്റും.

വായിച്ചു തീർന്നതും എന്റെ കണ്ണിലും നനവ് വന്നു. മനസ്സിൽ നിന്നും അതിലെ സന്ദർഭങ്ങൾ പോകുന്നില്ല.ബുക്ക്‌ അടച്ചു വച് ബെഡിൽ വന്നു കിടന്നു. ഒരുപാട് നേരം വൈകിയത് കൊണ്ട് വേഗം ഉറങ്ങിപ്പോയി.