അപ്പുവിന്റെ അച്ഛൻ [കിസ്മത് നൗഫു ] 4278

എന്നിലെ ഓരോ മാറ്റത്തെയും എന്റെ മുന്നേ അറിഞ്ഞു പ്രവർത്തിച്ചിരുന്ന ഏട്ടൻ എനിക് അമ്മയും കൂട്ടുകാരിയും ഒക്കെ ആവുകയായിരുന്നു.

നിലാവിൽ പൊഴിഞ്ഞു നിൽക്കുന്ന കുളിരുള്ള രാത്രികളിൽ ഒരു പുതപ്പിന് കീഴെ പ്രണയം പങ്കു വെക്കുമ്പോൾ ആ കണ്ണിൽ തന്നോട് അടങ്ങാനാവാത്ത പ്രണയമായിരുന്നു…. ആ കണ്ണിലെ ആഴങ്ങളിൽ മതിമറന്നു നിൽക്കുമ്പോൾ നേരിയ തലോടലുകളായി തന്നെ ചുംബനങ്ങൾ കൊണ്ടു പൊതിയാറുണ്ട്……

ഒരിക്കൽ യാദൃച്ഛികമായാണ് കൂടെ പഠിച്ച ഒരു കുട്ടിയെ വഴിയിൽ വച്ചു കണ്ടുമുട്ടിയത്. ഏട്ടന്റെ ഏറ്റവും ഇഷ്ട വിദ്യാർത്ഥിനി ആയിരുന്നിട്ടു കൂടെ അവൾ പരിചയം കാണിച്ചപ്പോൾ ഏട്ടൻ തികച്ചും അപരിചിതത്വം കാണിച്ചു
ഞാൻ ആ വിഷയം കുത്തി കുത്തി ചോദിച്ചിട്ടും ഏട്ടൻ അറിയില്ല എന്ന് തന്നെ പറഞ്ഞു എന്നോട് തട്ടിക്കയറി.

പെട്ടെന്ന് ഏട്ടൻ തലകറങ്ങി വീണു.ബി പി കൂടി വീണാതാണെന്നഡോക്ടറുടെ വാക്കുകൾ കേക്കുന്നത് വരെ ജീവൻ കയ്യിൽ പിടിച്ചാണ് നിന്നത്‌. പിന്നീട് അതിനെ പറ്റി ഒന്നും ഞാൻ ചോദിക്കാൻ പോയില്ല.

ഒരു പെണ്ണ് ആഗ്രഹിക്കുന്ന എല്ലാ യോഗ്യതയുമൊത്തൊരു പുരുഷനായിരുന്നു ശ്യാമേട്ടൻ. ജീവിതത്തിന്റെ മനോഹരമായ രണ്ടു വർഷം പരസ്പരം പ്രണയിച്ചും ഇണങ്ങിയും പിണങ്ങിയും തീർത്തു.