അപ്പുവിന്റെ അച്ഛൻ [കിസ്മത് നൗഫു ] 4775

പക്ഷെ താൻ ആ ഒരൊറ്റ വാക്കിൽ പകച്ചു നിൽക്കുകയായിരുന്നു.

“”””ഭർത്താവ്….””””

ഞങ്ങൾക്ക് സംസാരിക്കാനെന്നോണം ചേച്ചി തിരിച്ചു വീട്ടിലേക്കു പോയി.

മനസു പലവക ചിന്തയിലാണ്ടു….അദ്ദേഹം….ഇല്ല ഒരിക്കലുമില്ല…

എന്നെ ഭാര്യയായി കാണാൻ പറ്റില്ലെന്ന് പറഞ്ഞതാണ്..

പിന്നെന്തിനു വരണം. അതും വർഷങ്ങൾക്കു ശേഷം.

ഇല്ല മറ്റാരോ ആണ്…എന്തുദ്ദേശത്തിലാണെങ്കിലും നടക്കില്ല.പോലീസിനെ വിളിക്കും… പല കണക്കുക്കൂട്ടലുകളിലൂടെ അവൾ അവനു പിന്നിൽ ചെന്നു മുരടനക്കി…

“””ആരാ…എന്തു വേണം….

നിങ്ങൾക്കു വീട് മാറിയതാണ്..ഇതാ……”””

ഞാൻ സംസാരിച്ചുകൊണ്ടിരിക്കെ അയാൾ തിരിഞ്ഞതും ഞെട്ടിത്തരിച്ചുപോയി…

അതേ അദ്ദേഹം തന്നെ…. ശ്യാം…

“””ശ്യാമേട്ടൻ…”””

ചുണ്ടുകൾ നിശബ്ദം മൊഴിഞ്ഞു

അദ്ദേഹത്തിന്റെ ചിരിയിൽ നിന്നും വ്യക്തമായി താൻ പറഞ്ഞതു കേട്ടെന്നു.

“”എന്താ ചോദിച്ചത്… ആരാണെന്നല്ലേ…. പേരു ശ്യാം…”””

വർഷങ്ങൾക്കു ശേഷം ആ ശബ്ദം വീണ്ടും കേട്ടു…

ഒരുകാലത്തു ആ ശബ്ദമൊന്നു കേൾക്കാതെ ആ സാമിപ്യം അറിയാതെ ആ നെഞ്ചിലല്ലാതെ താൻ ഉറങ്ങാറില്ലയിരുന്നു.