അപ്പുവിന്റെ അച്ഛൻ [കിസ്മത് നൗഫു ] 4710

അടുത്തുള്ള സ്കൂളിൽ ടീച്ചർ ആണ് ശാരി…

അവിടെ തന്നെ മോണ്ടിസോറി സെക്ഷനിൽ എൽ.കെ.ജി. വിദ്യാർഥിയാണ് അപ്പു എന്ന ആദിക്ക്.

വീട്ടിൽ നിന്നും രണ്ടു വളവു തിരിഞ്ഞാൽ സ്കൂൾ ആയതുകൊണ്ട് എന്നും ശാരിയും അപ്പുവും നടക്കാറാണ്…

വർത്താനം പറഞ്ഞും കളിച്ചും ചിരിച്ചും വളരെ സന്തോഷത്തോടെയാണ് അവർ ഇരുവരും സ്കൂളിൽ പോകുന്നത്…

രണ്ടുമൂന്നു ദിവസമായി അപ്പുവിൽ കാര്യമായ മാറ്റങ്ങൾ കാണാൻ തുടങ്ങിയിട്ട്.

ഇപ്പോൾ അധികവും അവന്റെ സംസാരവിഷയം അച്ഛൻ ആണ് .

കുഞ്ഞിനെന്തു മറുപടി കൊടുക്കുമെന്ന് അറിയാതെ ഉഴറുവായിരുന്നു ശാരിയുടെ മാതൃഹൃദയം.

????????

“”എന്താ ടീച്ചറെ…മഴയത്തും കുടയും മടക്കി പിടിച്ചു വരുന്നത്.””

സൗമ്യ ടീച്ചറുടെ ചോദ്യമാണ് ശാരിയെ ബോധത്തിൽ കൊണ്ടുവന്നത്.

ശരിയാണ് മഴ ചെറുതായി ചാറുന്നുണ്ട്…

മോണ്ടിസോറി വിഭാഗം മറ്റൊരു കെട്ടിടത്തിലാണ്…അവിടെ മോനെ കൊണ്ടുചെന്നാക്കി മെയിൻ ബ്ലോക്കിലേക്ക് ഗ്രൗണ്ടിലൂടെ നടന്നതാണ് താൻ.