ആമുഖം,

കഴിഞ്ഞ പാർട്ടുകൾക്കു തന്ന സപ്പോർട്ടിനു നന്ദിയും സ്നേഹവും എല്ലാ പ്രിയപ്പെട്ടവരോടും. ഇനിയും സപ്പോർട്ട് തരണം എന്ന അപേക്ഷ മാത്രം, ഇവിടെ ഒരുപാട് കഥകൾ വരുന്നുണ്ട് പറ്റുന്നപോലെ എല്ലാവരെയും കഥകൾ വായിച്ചും അഭിപ്രായം പറഞ്ഞും, ഇഷ്ടം ആയാൽ ലൈക്‌ ചെയ്തും പ്രോഹത്സാഹിപ്പികുക. എന്റെ ചങ്ക് നീലൻ മുത്തിന്റെ സഹായം കൊണ്ട് മാത്രം ആണ് ഇപ്പോൾ നിങ്ങൾക്കു ഇത് സമർപ്പിക്കാൻ ആയത്, അവനോടു നന്ദി പറയേണ്ട ആവിശ്യം ഇല്ല , എങ്കിലും ഒരു നന്ദി   ഈ ഭാഗം നിങ്ങൾക്ക് ഇഷ്ടമാകും എന്ന് പ്രതീക്ഷിച്ചു കൊണ്ടു തുടങ്ങുന്നു.

**********

അനാമിക 5

Anamika Part 5 | Author : Jeevan | Previous Part

നുണക്കുഴി കാട്ടിയുള്ള ഒരു മന്ദസ്മിതത്തോടെ എന്നെ നോക്കി നിൽക്കുന്ന വാലിട്ടു എഴുതിയ രണ്ടു തിളങ്ങുന്ന ബ്രൗൺ  മിഴികളാണ് അവിടെ എന്നെ വരവേറ്റത്.

//

കണ്ട കാഴ്ചയിൽ ഞാൻ കിളി പാറി അങ്ങനെ നിക്കുമ്പോൾ എന്റെ നിൽപ്പ് കണ്ടു ആദ്യം എന്നെയും പിന്നെ ഏറ്റവും മുന്നിലായുള്ള ബെഞ്ചിൽ തന്നെ ഇരുന്ന അവളെയും എല്ലാരും മാറി മാറി നോക്കി.

എന്റെ നിൽപ്പ് കണ്ടോ മറ്റോ ആണെന്ന് തോന്നുന്നു, അവളുടെ മുഖത്തു ഒരു നറു പുഞ്ചിരി വിടർന്നിരുന്നു. ഞാൻ പരിസരം പോലും മറന്നു ഉളിൽ കടന്നു ചെന്നു അവളോട് ചോദ്യ ശരങ്ങൾ ഉന്നയിച്ചു കൊണ്ടേ ഇരുന്നു –

” ആമീ…!! നീ എവിടെ ആയിരുന്നു… എത്ര നാളായി ഞാൻ ട്രൈ ചെയ്യുവാ…ഞാൻ എത്ര ടെൻഷൻ ആയി എന്നോ… നീ എന്താ എന്നെ ഒരു തവണ പോലും തിരികെ വിളിക്കാതെ ഇരുന്നത്… നിന്നെ കാണാത്ത കൊണ്ടു എന്തേലും വിവരങ്ങൾ അറിയാൻ ആകുമോ എന്ന് വിചാരിച്ചു നിന്റെ നാട്ടിൽ കൂടെ ഒന്ന് രണ്ടു തവണ ഞങ്ങൾ  ചുറ്റിയാരുന്നു… എന്നിട്ടും നിരാശ ആയിരുന്നു ഫലം… ”  ഇത്രയും ചോദ്യങ്ങൾ ഞാൻ ഒറ്റ ശ്വാസത്തിൽ ചോദിച്ചു. ഞാൻ എന്റെ വിഷമങ്ങൾ, ദേഷ്യം ഒക്കെ ആ ഇടതടവില്ലാത്ത ചോദ്യങ്ങളിലൂടെ ഒഴുക്കി കളഞ്ഞു.