അഥർവ്വം 4 [ചാണക്യൻ] 190

അനന്തു കല്യാണം എന്ന് കേട്ടതും കഴിച്ചോണ്ടിരുന്ന ഭക്ഷണം അവന്റെ നെറുകിൽ കയറി.

ഉറക്കെ ചുമച്ചുകൊണ്ട് അവൻ അവിടെ ഇരുന്നു.

സീത വേഗം ഒരു ഗ്ലാസ്സിലേക്ക് വെള്ളം പകർന്നു അവനു നൽകി.

അവൻ അത് വേഗം കുടിച്ചു തീർത്തു.

മാലതി അവന്റെ നെറുകയിൽ  തട്ടികൊണ്ടിരുന്നു.

“എന്തേലും ആലോചിക്കാണ്ട് നിനക്ക് തിന്നാൻ പറ്റൂലെ?  ”

മാലതി അവനെ ശാസിച്ചു.

സീത ചിരിച്ചുകൊണ്ട് അവനെ നോക്കി.

അനന്തു ചമ്മലോടെ ബാക്കി ഭക്ഷണം കഴിച്ചു തീർത്തു.

അടുക്കളയിൽ നിന്നിരുന്ന വേലക്കാരികളെ നോക്കി ചിരിച്ചുകൊണ്ട് അവൻ കൈ കഴുകി അകത്തളത്തിലേക്ക് നീങ്ങി.

അവിടെ എത്തിയതും വീടിന്റെ രണ്ടാം നിലയിൽ നിന്നും ഗോവണി ഇറങ്ങി വരുന്ന മീനാക്ഷിയെ കണ്ട് അവൻ ചിരിച്ചു .

മീനാക്ഷി അവനെ നോക്കി പുഞ്ചിരിച്ചു.

ഏതായാലും ശിവജിത്ത് ഇല്ലാത്ത സമയം ആയതുകൊണ്ട് അനന്തുവുമായി ഒന്ന് മുട്ടാമെന്നു അവൾക്ക് തോന്നി.

നെറ്റിയിലേക്ക് ഉതിർന്നു കിടക്കുന്ന മുടിയിഴകൾ കൈ വിരൽ കൊണ്ട് കോതിയൊതുക്കിക്കൊണ്ട് അവൾ അനന്തുവിന്റെ സമീപം വന്ന് നിന്നു.

“ഹായ് അനന്തു ”

“ഹായ് ചേച്ചി ”

“ഹേയ് നോ മാൻ…  ചേച്ചി എന്ന് വിളിക്കണ്ട ജസ്റ്റ്‌ കാൾ മൈ നെയിം ”

“ആയ്ക്കോട്ടെ മീനാക്ഷി ”

സ്വല്പം അഹന്ത ആ ശബ്ദത്തിൽ ഇല്ലേ എന്ന് അനന്തുവിന് തോന്നി.

“ഇന്നലെ ശരിക്കും പരിചയപ്പെടാൻ പറ്റിയില്ല.. ഞാൻ കുറച്ചു ബിസി ആയിപോയി  ”

മീനാക്ഷി അവനെ ഉറ്റു നോക്കി.