?? യാത്രകൾ 2 ?⛰ [ഖുറേഷി അബ്രഹാം] 107

മുജീബിന്റെ ഉള്ളിൽ ഉള്ള മുറിവ് ഉണക്കാൻ ആവില്ല. അവളെ തല്ലി വേദനിപ്പിച്ചാൽ ആ സമയത്തുള്ള വേതന മാത്രമേ അവൾ അറിയുക ഉള്ളു, മറ്റുള്ളവരെ ചതിക്കുമ്പോ ചതിക്കപെട്ടവർ അനുഭവിക്കുന്ന വേതന നമ്മളെ ജീവിത കാലം മൊത്തം വേട്ടയാടണമെങ്കിൽ നമ്മളെ ചതിച്ചയൾക് നമ്മൾ ചിരിയോട് അതയാളോട് പറഞ്ഞു കൊണ്ട് മാപ്പ് കൊടുക്കലാണ്, അതിനേക്കാളും വലിയ പ്രതികാരം ഇല്ല “. അവന്റെ ഉപ്പ അപ്പൊ പറഞ്ഞത് എന്താണ് എന്നെനിക് ആത്യം മനസിലായില്ല. അഞ്ജലിയെ നന്നായി പെരുമാറണം എന്നാണ് അപ്പോഴും എന്റെ മനസ് പറഞ്ഞത്. എന്നാൽ അവന്റെ ഉപ്പയുടെ നിർബന്ധം കാരണം ഞാനവളെ ഒന്നും ചെയ്തില്ല.

മുജീബ് ആ സംഭവത്തോട് കൂടെ അകെ ഡെസ്പായി. പക്ഷെ അതാകെ മൂന്നോ നാലോ ദിവസമേ ഉണ്ടായിരുന്നുള്ളു വിഷമം.
അവന്റെ ഉപ്പ തന്നെ അതെല്ലാം മാറ്റി എടുത്തു.
അവൻ പഴയത് പോലെ ഫുൾ ആക്റ്റീവ് ആയതും കോളേജിലെക് വരാൻ തുടങ്ങി. അതോടൊപ്പം അഞ്ജലിയെ അവൻ പൂർണമായും അവോയ്ഡ് ചെയ്യാൻ തുടങ്ങി കോളേജിൽ വച്ചവളെ കണ്ടാൽ തീരെ മൈൻഡ് ചെയ്യാതിരിക്കുകയും വിളിച്ചാൽ ഫോൺ എടുക്കാതെ ഇരിക്കുകയും ചെയ്യാൻ തുടങ്ങി. അതവളിൽ മാറ്റം കണ്ടു തുടങ്ങി. പലപ്പോഴും അവന്റെ പിന്നാലെ അവൾ നടക്കുന്നതായി ഞാൻ കണ്ടു.

രണ്ടു മൂന്ന് ദിവസം അവൻ അവളെ പാടേ അവോയ്ഡ് ചെയ്തു, ഒരു ദിവസം അവൾ എന്നെയും അവനെയും പിടിച്ചു നിർത്തി.

“ മിജീബിക്ക എനിക് നിങ്ങളോട് ഒന്നു സംസാരിക്കണം “.

“ എന്താണ് പറയാനുള്ളത് അഞ്ജലി “.സാധാരണ ഒരു കുട്ടിയോട് സംസാരിക്കുന്നത് പോലെ വളരെ ഫോർമൽ ആയുള്ള മറുപടി ആയിരുന്നു അവൻ നൽകിയത്. അവളെ പേരെടുത്ത് വിളിച്ചതും അവന്റെ സംസാരവും അവളിൽ ചെറു ഞെട്ടൽ ഉണ്ടാക്കി അവൻ അവളെ അഞ്ചു എന്നെ വിളിക്കാറ് ഉണ്ടായിരുന്നുള്ളു.

“ അത്,,, അത്,,, എനിക് “. അവൾ പറയാൻ ഉണ്ടായിരുന്ന വാക്കുകൾ കിട്ടാതെ ആയി.

“ എന്തെങ്കിലും എന്നോട് പറയാൻ ഉണ്ടെന്കി അത് പെട്ടെന്ന് പറയണം എനിക് തന്നോട് സംസാരിച്ചു നിൽക്കാൻ സമയം ഇല്ല. ഒന്നും പറയാൻ ഇല്ലെങ്കി വഴിയിൽ നിന്നു മാറണം പ്ലീസ് “. അവൻ അവളെ മുൻപ് ഒട്ടും പരിജയം ഇല്ലാത്തത് പോലെയാണ് ഇപ്പോഴും സംസാരിക്കുന്നത്.

“ ഇക്ക…. എന്തെ… എന്ത് പറ്റി ഇക്ക….. എന്നോട് ഇങ്ങനെ ഒക്കെ സംസാരിക്കുന്നെ “. ഇടറിയ വാക്കുകളുമായി അവൾ പറഞ്ഞൊപ്പിച്ചു.

“ ഞാൻ പിന്നെ എങ്ങനെയാണ് സംസാരിക്കേണ്ടത് അഞ്ജലി. എങ്ങനെ ഒക്കെ എന്ന് പറയുമ്പോ, ഞാൻ നിന്നൊട് മോശമായി ഒന്നും സംസാരിചില്ലല്ലൊ “.

“ അതല്ല മോശമായി ഒന്നും… പറഞ്ഞില്ല… പക്ഷെ എന്നെ അവോയ്ഡ്…. ചെയ്യുന്ന പോലെ… സംസാരവും നടക്കുന്നതും “.

“ ഞാൻ അഞ്ജലിയെ അവോയ്ഡ് ചെയ്യുന്നു എന്നോ, വാട്ട് യു മീൻ? ഞാൻ നിന്നെ അവോയ്ഡ് ചെയ്യാൻ ഞാനും നീയുമായി എന്തു ബന്ധമാണ് ഉള്ളത്. എനിക്കറിയാഞ്ഞിട്ട ചോദിക്കുവാണ് “.

ആ ഒരൊറ്റ ഡയലോഗിൽ അവളുടെ നിയന്ത്രണം എല്ലാം നഷ്ട്ടപെട്ടു എന്നു മനസിലായി. അവളവനെ എന്തോ കേൾക്കാൻ കൂടാത്ത ഒന്ന് കേട്ടത് പോലെ അവനെ നോക്കി, അവൾ നോക്കിയിട്ടും അവൻ യാതൊരു മാറ്റവും ഉണ്ടായിരുന്നില്ല. പിന്നെ അവൾ പൊട്ടി കരയുന്നതാണ് കണ്ടത്.

“ ഇങ്ങനെ കരയാൻ ആണെങ്കി ഇവിടെ നിന്നു കരഞ്ഞോളു. ഞങ്ങള്ക് പോയിട്ട് കുറച്ചു തിരക്കുണ്ട് “. അതും പറഞ്ഞ അവളെ നോക്കാതെ അവൻ നടന്നു കൂടെ ഞാനും.

അവന്റെ ഈ ആറ്റിട്യൂട് കാരണം എനിക് അവളോട് തോന്നിയിരുന്ന കലിപ്പ് എല്ലാം എവിടേക്കോ പോയി. ഒരു പക്ഷെ ഞാൻ അന്ന് അവളെ തല്ലിയിരുന്നെങ്കി ഇത്രയും സാറ്റിസ്ഫാക്ഷൻ എനിക് കിട്ടില്ലായിരുന്നു.