യാത്ര

Yaathra | Author : Vampire

ആ തിരക്കുള്ള കംപാർട്മെന്റിൽ നിന്നും അവൾ
തന്റെ ലഗേജും ബാക്ക് പാക്കും എടുത്ത്
എങ്ങനെയോ പ്ലാറ്റ് ഫോമിൽ ഇറങ്ങി… കാലുകൾ
ധൃതിയിൽ ചലിച്ചു… ആരുടെയോ അടുത്ത്
എത്താൻ ഉള്ളത് പോലെ…..

പക്ഷെ ക്ലോസ് അപ്പിൽ നോക്കിയാൽ
മനസ്സിലാവും, രൗദ്ര ഭാവമാണ് ആ മുഖത്ത്….
‘ആ ചൊറിയാൻ ഒരാൾ കാരണമാ ഞാൻ ഈ
അനുഭവിക്കുന്നത്… ആശിച്ചു മോഹിച്ചു കിട്ടിയ
Feature ആണ്… അത് ഇങ്ങനെയും ആയി….. ‘
പിന്നെയും എന്തൊക്കെയോ പുലമ്പിക്കൊണ്ട്
അവൾ റിക്ഷ ലക്ഷ്യമാക്കി നടന്നു….

“ഭയ്യാ.. യഹാ ശിവ് മന്ദിർ കെ പാസ് ഏക് ലോഡ്ജ്
ഹേനാ.. വഹാ ചലോ.. ”

“ജി !”

റിക്ഷയിൽ ഇരിക്കുമ്പോഴും അവളുടെ മനസ്സ്
കലങ്ങി മറിയുകയായിരുന്നു.. അതിന് ഭംഗം
വരുത്തിക്കൊണ്ട് അവളുടെ ഫോൺ റിങ്
ചെയ്തു…..

‘Jatin cheriyan’
ഡിസ്പ്ലേയിൽ തെളിഞ്ഞ പേര് കണ്ടതും അവളുടെ മുഖം വലിഞ്ഞു മുറുകി….

“Hello sir”

“Yes, vishwa.. have u reached” ?

“yes sir.. on the way to temple”

“K. Gud.. i know, u have the right potential. So go ahead. Concentrate on your work..”

“Ok sir..
catch u later”

കോൾ കട്ട് ആയതും അവളുടെ മനസ്സ്
ഇന്നലെയിലേക്ക് തിരിഞ്ഞു….

പുതിയ വർക്ക് ഉണ്ടെന്നും, ഫീച്ചറിന് നല്ലൊരു
ടോപിക് ആണെന്നും പറഞ്ഞാണ് ചെറിയാൻ സർ
ക്യാബിനിലേക്ക് വിളിപ്പിച്ചത്….

ഭയങ്കര ആവേശത്തിലാണ് ചെന്നത്… പക്ഷെ
പ്രതീക്ഷകൾ എല്ലാം ഒറ്റ നിമിഷം കൊണ്ട്
തകർന്നു….

വാരണാസിയെ കുറിച്ച് ഫീച്ചർ ചെയ്യണം…..
ഫോട്ടോഗ്രാഫ്സും വേണം….
എന്റെ ബാല്യവും കൗമാരവും എന്തിനേറെ വരാൻ
പോകുന്ന വാർദ്ധക്യം വരെ പകച്ചു പോയി….

ഈ പ്രൊജക്റ്റ് എടുത്തില്ലെങ്കിൽ ഈ മാസം
വേറെ തരില്ലത്രേ….
ഇതൊരു പണിയാണെന്ന് മനസ്സിലാക്കാൻ
അധികസമയം വേണ്ടി വന്നില്ല…..
ചെറിയാൻ സാറിന്റെ പിതാമഹരെ മനസ്സിൽ