യാത്ര [VAMPIRE] 1334

സ്മരിച്ചു കൊണ്ട് ബാഗ് എല്ലാം കെട്ടിപ്പൂട്ടി
ലക്നൗലേക്ക് ഫ്ലൈറ്റ് കേറി, അവിടുന്ന് ട്രെയിൻ
പിടിച്ച് നേരെ ബനാറസ്.. സീസൺ ടൈം ആയത്
കൊണ്ട് ഡയറക്ട് ഫ്ലൈറ്റ് കിട്ടിയില്ല…..

” മാഡം.. ലോഡ്ജ് ആഗയ ”

റിക്ഷാവാലായുടെ ശബ്ദമാണ് അവളെ തിരിച്ചു
കൊണ്ട് വന്നത്…..
“ഹാ.. ഭയ്യാ”

റിക്ഷയുടെ കാശു കൊടുത്തു…. അവൾ ലോഡ്ജിൽ റൂം എടുത്ത് കുറച്ച് നേരം വിശ്രമിച്ചു… പതിയെ കണ്ണുകൾ അടഞ്ഞു പോകുന്നത് പോലെ തോന്നിയതും, വിശ്വ പെട്ടെന്ന് കണ്ണുകൾ വലിച്ചു തുറന്നു… എന്തോ
ഓർത്തതിനു ശേഷം ഫ്രഷ്അപ്പ് ആയി
ബാഗിൽ നിന്നും ക്യാമറയും എടുത്ത് അവൾ
പുറത്തേക്കിറങ്ങി….

സ്ഥലത്തെ കുറിച്ച് വലിയ ധാരണ
ഇല്ലാത്തതിനാൽ അടുത്ത് പൂജ സാമഗ്രികൾ
വിൽക്കുന്ന ഒരു പയ്യനോട് കാര്യങ്ങൾ എല്ലാം
ചോദിച്ചു മനസ്സിലാക്കി….

പറയാൻ അല്പം മടി കാണിച്ചെങ്കിലും ഗാന്ധി
കയ്യിൽ കിട്ടിയപ്പോൾ ആള് ഉഷാറായി….
കേട്ടറിഞ്ഞത് വച്ച് ഇവിടെ ഒരുപാട് കാണാൻ
ഉണ്ടെന്ന് വിശ്വയ്ക്ക് മനസ്സിലായി… പക്ഷെ
എവിടെ തുടങ്ങും എന്നതായിരുന്നു അവളുടെ
കൺഫ്യൂഷൻ…..

എങ്കിലും അവൾ ഗംഗാ തീരത്തേക്ക് നടക്കാൻ
തുടങ്ങി… ചുറ്റിലും ഒരുപാട് ആളുകൾ ഉണ്ട്,
കൂടുതലും മധ്യവയസ്കർ, വൃദ്ധർ, പിന്നെ
ടൂറിസ്റ്റുകളും…..

ലഹരിയിൽ മുങ്ങി നീരാടുന്ന നിരവധി
കാഷായവേഷ ധാരികളും കപട സന്യാസിമാരും
കാശിയിൽ അരങ്ങു വാഴുന്നുവെന്ന് അവൾ
കേട്ടിട്ടുണ്ട്.. അതുകൊണ്ട് തന്നെ അവരുടെ ചില
കാഴ്ചകളെല്ലാം അവൾ ക്യാമറയിൽ പകർത്തി…

ഗംഗാ തീരത്തെ ‘ഘാട്ടുകൾ’ ആയാണ്
തിരിച്ചിരിക്കുന്നത്.. അവ പല പേരുകളിലുമായി
അറിയപ്പെടുന്നു.. ഓരോ ഘട്ടിലേയ്ക്കും
പ്രവേശിക്കുന്ന വഴിയോരത്ത് പൂക്കളും,
പൂജാസാമഗ്രികൾ വില്ക്കുന്ന കടകളും
നിരവധിയാണ്…

വിശ്വ നേരെ ചെന്നെത്തിയത്
അസിഘാട്ടിലേക്കാണ്.. ഗംഗയുടെ തീരത്ത് കെട്ടി
വച്ചിരിക്കുന്ന നിരവധി തോണികൾ, അത്രയും
തന്നെ നദിയിൽ എങ്ങോട്ടോ നീങ്ങുന്നുമുണ്ട്….

രാവിലെ ആയത് കൊണ്ട് തന്നെ പടവുകളിൽ
എല്ലാം നല്ല തിരക്കാണ്…
കുറച്ച് പേർ പിതൃതർപ്പണത്തിന് ഇരിക്കുന്നു..
ചിലർ എന്തെല്ലാമോ മന്ത്രങ്ങൾ ജപിച്ചു കൊണ്ട്
പൂജകൾ ചെയ്യുന്നു.. പൂജയുടെ അവസാനം
പൂക്കളും മറ്റ് വസ്തുക്കളുമെല്ലാം ഗംഗയിൽ തന്നെ ഒഴുക്കുന്നു..