❤️ തിരിച്ചറിവ് ❤️ [കുട്ടപ്പൻ] 1170

അവൻ അപ്പോൾത്തന്നെ അച്ഛനോട് അവളുടെ രജിസ്റ്റർ നമ്പർ ഒക്കെ ചോദിച്ചു മനസിലാക്കി റിസൾട്ട്‌ നോക്കി. മോശമല്ലാത്ത റിസൾട്ട്‌ ഉണ്ടായിരുന്നു. അതുകൊണ്ട് തന്നെ ടൗണിനടുത്തുള്ള മെഡിക്കൽ കോളേജിൽ സീറ്റ് കിട്ടുമെന്ന് അവൻ അച്ചനോട് പറഞ്ഞു. ഇനി കിട്ടിയില്ലെങ്കിൽ മാനേജ്മെന്റ് സീറ്റ്‌ നോക്കാമെന്നും. അവിടെയാണെങ്കിൽ പോയിവരാനുള്ള ദൂരം മാത്രമേയുണ്ടായിരുന്നുള്ളു.

പ്രതീക്ഷിച്ചപോലെ മെറിറ്റിൽ അവൾക്ക് സീറ്റ് കിട്ടിയില്ല. അതുകൊണ്ട് അവൻ അവിടെ മാനേജ്മെന്റ് സീറ്റ് അവൾക്കായി തരപ്പെടുത്തി. ആ വിവരം അവളോട് പറയാൻ സന്തോഷത്തോടെ മുറിയിലേക്ക് കയറിച്ചെന്ന അവനെ അവൾ തിരിഞ്ഞുകൂടി നോക്കിയില്ല. കല്യാണം കഴിഞ്ഞ് ഒരു മാസം ആകാറായിരിക്കുന്നു. ഇതുവരെയായും അവൾക്ക് തന്നോടുള്ള സമീപനത്തിൽ മാറ്റം വന്നിട്ടില്ല എന്നത് അവനെ ഒത്തിരി വിഷമിപ്പിച്ചു.

” അഞ്ജു… എനിക്കൊരു കാര്യം പറയാനുണ്ട്”

അവൻ പറഞ്ഞു

” നിക്കൊന്നും കേൾക്കണ്ട… ” അവൾ അത് തീർത്തും അവകണിച്ചു.

എന്തിനാണ് അവൾ തന്നെ അവഗണിക്കുന്നതെന്ന് അറിയാതെ അവൻ നിന്ന് ഉരുകി.

അവൻ പിന്നെയൊന്നും പറയാതെ മുറിയിൽനിന്ന് ഇറങ്ങി.

എന്ത് വിലകൊടുത്തും അവളുടെ ആഗ്രഹം നിറവേറ്റണം എന്ന ഒരൊറ്റ ചിന്തമാത്രമേ അവന്റെ മനസ്സിൽ ഉണ്ടായിരുന്നുള്ളൂ.

അഞ്ജുവിന്റെ അച്ഛൻ പറഞ്ഞത് അനുസരിച്ചു അവളുടെ പ്രിയപ്പെട്ട ടീച്ചർ +2 വിന് അവളെ പഠിപ്പിച്ചിരുന്ന ഋഷി എന്ന് പേരുള്ള സാറായിരുന്നു. ഒരു ഡോക്ടർ ആകണം എന്ന ആഗ്രഹം അവളിൽ വരാൻ കാരണം സാറായിരുന്നു. അവൾക്ക്  zoology എടുത്തിരുന്നത് സാർ ആയിരുന്നു.

ഋഷി സാറിന്റെ പ്രിയപ്പെട്ട ശിഷ്യ ആയിരുന്നു അഞ്ജു.

കല്യാണത്തിന്റെ സമയത്ത് പുള്ളിക്കാരൻ നാട്ടിലുണ്ടായിരുന്നില്ല അതുകൊണ്ട് തന്നെ താൻ അവളുടെ ഭർത്താവ് ആണെന്നൊന്നും അയാൾക്ക് അറിയില്ല എന്നവന്  ഉറപ്പായിരുന്നു.