❤️ തിരിച്ചറിവ് ❤️ [കുട്ടപ്പൻ] 1170

അരുണിന് ബോധം വീണു എന്ന ശുഭവാർത്ത കേട്ടുകൊണ്ടാണ് അടുത്തദിവസം നേരം പുലർന്നത്.

സ്കാനിംഗിൽ കുഴപ്പമൊന്നും ഉണ്ടായിരുന്നില്ല.

ഒരാൾക്ക് കയറിക്കാണം എന്ന് പറഞ്ഞപ്പോൾ അവൾ ചാടിയെണീറ്റു. പിന്നെ സംശയത്തോടെ അമ്മയെ നോക്കി.

മകന് കുഴപ്പമൊന്നുമില്ല എന്ന് അറിഞ്ഞപ്പോൾ തന്നെ അവർക്ക് ആശ്വാസമായിരുന്നു. എന്നാൽ അഞ്ജു നിന്ന് ഉരുകുകയായിരുന്നു. അവളോട് ചെന്നോളാൻ അമ്മ പറഞ്ഞു.

അവൾ വേഗം തന്നെ ICU വിനകത്തേക്ക് കയറി.

അവിടെ കിടക്കുന്ന അരുണിനെ കണ്ട് അവളുടെ ചങ്ക് തകരുന്നത് പോലെ തോന്നി അവൾക്ക്. അവൾ പയ്യെ നടന്ന് അവന്റെ അടുത്തെത്തി. അവൻ അവളെ നോക്കി. എന്നാൽ ഇപ്പോൾ മുഖത്ത് എന്നും ഉണ്ടായിരുന്ന പുഞ്ചിരി ഇല്ല.

” ഡയറിയിൽ എഴുതിയതൊക്കെ ഞാൻ വായിച്ചു. ഞാൻ ആരുടേയും സ്വപ്നങ്ങൾക്ക് എതിരല്ല. ഇഷ്ടമല്ലെങ്കിൽ  എന്തിനായിരുന്നു താൻ നമ്മുടെ കല്യാണത്തിന് സമ്മതിച്ചേ ”

അവൻ പറഞ്ഞു.

അവൾക്ക് അതിന് മറുപടി ഉണ്ടായിരുന്നില്ല. അവൾ തലകുനിച്ചു നിന്നു. കണ്ണുനീർ ചാലിട്ട് ഒഴുകിക്കൊണ്ടിരുന്നു.

” പിരിയണം എന്ന് മാത്രം പറയല്ലേഡോ.…  എനിക്കെന്നും കണ്ടോണ്ടിരുന്നാൽ മാത്രം മതി… എന്നെ അവഗണിച്ചോ… തല്ലിക്കോ…എനിക്കത്രയ്ക്ക് ഇഷ്ട്ടാടോ തന്നെ… ഒരു കൊല്ലം ബാംഗ്ലൂർ കഴിച്ചുകൂട്ടിയത് എങ്ങനെയാണെന്ന് എനിക്കെ അറിയാവൂ. നീ മാത്രമായിരുന്നു മനസ്സിൽ. നിന്നെ കാണാൻ വേണ്ടി ഓടിപ്പിടിച്ചു വന്നപ്പോൾ കാണുന്നത് തന്റെ ഡയറിയാ.. തകർന്നുപോയി… മനസിന്റെ നിയന്ത്രണം വിട്ടുപോയി. വണ്ടിയിൽ ആണെന്നൊക്കെ മറന്നുപോയി. അതാ പറ്റിയേ. ”

അവൻ പറഞ്ഞു.

നിറകണ്ണുകളോടെ അവൾ അവനെ നോക്കി. പിന്നെ പറഞ്ഞുതുടങ്ങി.