❤️ തിരിച്ചറിവ് ❤️ [കുട്ടപ്പൻ] 1170

കൂട്ടുകാരിയെ കാണാൻ പോയി തിരിച്ചു വരുന്ന അഞ്ജലി അപ്രതീക്ഷിതമായാണ് ഋഷി സാറിനെ കാണുന്നത്.

അവളുടെ എതിരെ നടന്നുവരുകയായിരുന്നു സാർ. അവൾ ഓടിച്ചെന്നു.

” സാർ… അന്നത്തെ excitement ഇൽ ഒരു നന്ദി പോലും പറയാൻ പറ്റിയില്ല. എന്റെ ഏറ്റവും വലിയ ആഗ്രഹമായിരുന്നു ഡോക്ടർ ആകുക എന്നത്. സാറ് കാരണം അത് സഫലം ആകാൻ പോകുകയാ. എങ്ങനാ നന്ദി പറയണ്ടേന്ന് എനിക്കറിഞ്ഞൂട. ”

” ഹേയ്.. എന്നോടല്ലടോ… തന്റെ ഒരു റിലേറ്റീവ്… ഒരു അരുൺ. പുള്ളിയാണ് എന്നെ കാണാൻ വന്നത്. നിന്റെ സീറ്റ് ശെരിയാക്കിയതും ഫീസടയ്ക്കുന്നതും  ഒക്കെ അവനാണ്. നിനക്ക് വേണ്ടി കഷ്ടപ്പെടാൻ ഒത്തിരി പേരുണ്ട്.. ഉഴപ്പാത്തെ പഠിക്കണം ട്ടൊ ”

അയാൾ അവളുടെ തലയിൽ തലോടി നടന്നകന്നു.

അവൾ തകർന്നിരിക്കുകയാണ്. ആ പാവത്തെ മനസിലാക്കാതെ പോയതിന്  അവൾ സ്വയം ശപിച്ചുകൊണ്ടിരുന്നു.

എന്തിന്റെ പേരിലാണോ അരുണിനെ അവൾ അകറ്റിനിർത്തിയത് അത് അവൻ തന്നെ അവൾക്ക് നേടിയെടുത്തു കൊടുത്തു എന്ന് അറിഞ്ഞപ്പോൾ  അവൾക്ക് ഒത്തിരി സങ്കടമായി

പാവം തന്നോട് അടുക്കാൻ ശ്രെമിച്ചപ്പോഴൊക്കെ അവൾ അവനെ അവഗണിച്ച കാര്യം ഒക്കെ അവളുടെ മനസ്സിൽ  തികട്ടി വന്നു

നിറകണ്ണുകളോടെ അവൾ ആദ്യമായി അവന്റെ ഫോണിലേക്ക് ഡയൽ ചെയ്തു.

എന്നാൽ ഫോൺ സ്വിച്ച് ഓഫ്‌ ആണെന്ന മറുപടിയാണവൾക്ക് കിട്ടിയത്. ഇന്ന് അരുൺ വരുമെന്ന് അമ്മ പറഞ്ഞിരുന്നത് അവൾ ഓർത്തു. പിന്നെ വീട്ടിലേക്ക് ഓരോട്ടമായിരുന്നു. അവളുടെ കാലുകൾക്ക് വേഗം പോരാ എന്നവൾക്ക് തോന്നി.

അവന്റെ കാലുകളിൽ വീണ് മാപ്പിരക്കാൻ അവൾ കൊതിച്ചു. അതിന് പോലും തനിക്ക് അർഹതയില്ല എന്നവൾക്ക് തോന്നി.

ഉമ്മറപ്പടിയിൽ ഇരിക്കുന്ന അമ്മയെ കണ്ടുകൊണ്ടാണ് അവൾ അവിടേക്ക് ചെല്ലുന്നത്. നിറഞ്ഞിരുന്ന കണ്ണുകൾ തുടച്ച് ഒന്നും സംഭവിക്കാത്ത പോലെയാണ് അവൾ ഉമ്മറത്തേക്ക് കയറിയത്.

“അരുണേട്ടൻ വന്നോ അമ്മേ” എന്നവൾ ചോദിച്ചു. ആദ്യമായിട്ടായിരുന്നു അവൾ അങ്ങനെ വിളിക്കുന്നത് പോലും.