❤️ തിരിച്ചറിവ് ❤️ [കുട്ടപ്പൻ] 1170

പോകുന്ന കാര്യം സൂചിപ്പിക്കാൻ അവളെ സമീപിച്ചപ്പോഴും അവഗണനയാണവന് കിട്ടിയത്.

അവൻ ജോലിക്കായി ബാംഗ്ലൂർ പോകുകയാണെന്ന് അമ്മയോട് പറയുന്നത് കേട്ടാണ് അവൾ അറിയുന്നത്. അവൾക്ക് ആശ്വാസം ആയിരുന്നു അത് കേട്ടപ്പോൾ.

അമ്മ അന്ന് കുറേ കരഞ്ഞു. അത് കണ്ടപ്പോൾ പോകേണ്ട എന്ന് അവന് തോന്നുന്നുണ്ടായിരുന്നു. എന്നാൽ താൻ ഇവിടെ നിന്നാൽ അഞ്ജുവിന്റെ പഠിത്തത്തെയും ബാധിക്കും എന്ന് അവന് തോന്നി. അത് കൊണ്ട് അവൻ ആ തീരുമാനത്തിൽ ഉറച്ചു നിന്നു.

അങ്ങനെ അവൻ ബാംഗ്ലൂർ നഗരത്തിലേക്ക് യാത്രയായി.

………..

ബാംഗ്ലൂർ… നാഗരികതയുടെ തിരക്കിലും അരുണിനെ അഞ്ജലി എന്ന ചിന്ത വേട്ടയാടിക്കൊണ്ടിരുന്നു. എപ്പോഴും അവന്റെ ചുണ്ടിൽ ഉണ്ടാകാറുള്ള ആ പുഞ്ചിരി ഇന്നില്ല. തിരക്കുകളിൽ ലയിച്ചുചേർന്ന് അവളുടെ ചിന്തകൾക്ക് കടിഞ്ഞാണിടാൻ അവൻ ശ്രെമിച്ചുവെങ്കിലും പരാചയം ആയിരുന്നു ഫലം.

അഞ്ജലിയുടെ ക്ലാസുകൾ തുടങ്ങി. അവളും തിരക്കിലായി. വീട്ടിലേക്ക് വിളിക്കുമ്പോഴൊക്കെ അവൾ പഠിക്കുകയാണെന്ന മറുപടിയാണ് അരുണിനെ തേടിയെത്തിയത്.

………

അവരുടെ വിവാഹം കഴിഞ്ഞ് ഒരുവർഷം ആയിരിക്കുന്നു. ഇപ്പോഴും അവൾ തന്നോട് അടുത്തിട്ടില്ല. അത് അവനെ അലട്ടിക്കൊണ്ടിരുന്നു. അവൻ ലീവിന് നാട്ടിലേക്ക് വരാൻ തീരുമാനിച്ചു.

അവന്റെ സ്നേഹം കരുതൽ ഒക്കെ കാണുമ്പോൾ അഞ്ജുവിന്റെ മനസിലും ചെറിയൊരിഷ്ടം അവനോട് തോന്നിത്തുടങ്ങിയിരുന്നു. എന്നാൽ അവൾ അത് പ്രകടിപ്പിച്ചില്ല. മറ്റൊരാളുടെ സഹായത്തോടെയാണെങ്കിലും പഠിക്കുന്നതിനു എതിര് നിന്നില്ലല്ലോ എന്ന തോന്നലായിരുന്നു ആ ഇഷ്ടത്തിന് അതിന് കാരണം.