The Mythic Murders ?️Part:1 Chapter :3(Vishnu) 305

“ഡിറ്റക്ടീവ് തന്നെ… പൊലീസിന്റെ ഖജനാവിൽ നിന്നുപോലും പണം ഊറ്റാൻ കഴിവുള്ള ഒരു ഡിറ്റക്ടീവ് ആണവൻ…”

ഒരു പൊട്ടിച്ചിരി യോടെ ധ്യാന്‍ പറഞ്ഞതും നന്ദുവും ചിരിച്ചു.

“പിന്നേ, ഞങ്ങൾ ഇപ്പൊ ഒരു കേസ് അന്വേഷണത്തിൽ ആണ്.. അധികം വൈകാതെ പത്രത്തിലും ന്യൂസിലും ഒക്കെ ഞങ്ങൾ വരും നോക്കിക്കോ..”

അത് കേട്ട നന്ദു അവനെ സംശയത്തോടെ നോക്കി…

“ ഡീ കൊരങ്ങി…! നീ വിചാരിക്കും പോലെ ചരമ കൊളത്തിൽ ഒന്നും ഞങ്ങൾ വരില്ല… നാട് പുകഴ്ത്തുന്ന ഡിറ്റക്ടീവ് ആയിരിക്കും ഞങ്ങൾ…”

അത് കേട്ട നന്ദന പൊട്ടിച്ചിരിച്ചു..

അവസാനം അവരുടെ ഇടയിൽ തളം കെട്ടി നിന്ന സങ്കടം എല്ലാം പതിയെ അലിഞ്ഞ് എവിടെയോ മറഞ്ഞു..അവൻ ആ പഴയ നന്ദുവിനെ അവളില്‍ കണ്ടു..

അപ്പോഴാണ് സിദ്ധാർഥിന്റെ കാൾ പിന്നെയും വന്നത്..അത് കണ്ട ധ്യാൻ അവളെ നോക്കി..

“ഇനിയും പോയില്ലെങ്കിൽ അവൻ ഇങ്ങോട്ടെക്ക് കേറി വരും..വേഗം വിട്ടോ.. എനിക്കും തിരികെ ഓഫീസിൽ പോകണം..”

ചിരിച്ചുകൊണ്ട് ധ്യാന്‍ എഴുന്നേറ്റതും അവൾ പെട്ടന്നു ധ്യാനിന്റെ കയ്യിൽ പിടിച്ചു…

“നാളെ നീ വീട്ടിൽ വരണം, ധ്യാന്‍… കൂടെ ആ ഖജനാവ് ചോർത്തുന്ന അവനെയും കുട്ടിക്കോ..വന്നില്ലെങ്കിൽ നിന്നെ ഞാൻ കൊല്ലും..”