The Mythic Murders ?️Part:1 Chapter :3(Vishnu) 304

നന്ദനയുടെ ആ ആവശ്യം അവനു നിരസിക്കാൻ കഴിഞ്ഞില്ല..

 

“ഞാൻ വരാം….”

 

“ഒക്കെ …”

 

അതും പറഞ്ഞു അവൾ ഫോണ് വച്ചു..

 

ഇതൊക്കെ സിദ്ധാർഥ് നോക്കി നില്കുന്നുണ്ടായിരുന്നു…

 

“സിദ്ധു നീ പോയി ഒരു ബൈക്ക് ഒപ്പിക്കണം..ഇനി നമുക്ക് ഒരു വണ്ടിയുടെ ആവശ്യം ഉണ്ട്..എനിക്ക് 11 മണിക്ക് ലുലുവിൽ പോകണം..ഒരു ആവശ്യം ഉണ്ട്..”

 

സിദ്ധാർഥ് അത് സമ്മതിച്ചു…രണ്ടുപേരും കൂടി കൊച്ചിയിലേക്ക് യാത്ര തിരിച്ചു..

 

---

 

 

പ്രിയ ഓഫീസിൽ ഇരിക്കുമ്പോൾ ആണ് ഒരു പോലീസുകാരൻ അവളുടെ മുറിയിലേക്ക് വന്നത്..അയാൾ അവളെ സല്യൂട്ട് ചെയ്ത ശേഷം അവൾക്ക് ഒരു ഫയൽ നൽകി..

 

“മാഡം ജൈനിന്റെ പോസ്റ്മാർട്ടം റിപ്പോർട്ട്…”

 

അവൾ അത് മുഴുവൻ വായിച്ചു…തലയിൽ ഭാരമുള്ള വസ്തു ഉപയോഗിച്ച് ആവര്‍ത്തിച്ചുള്ള ശക്തമായ അടി കാരണം തലയോട്ടി പൊടിഞ്ഞു പോയിരുന്നു…

 

അവൾ അത് മുഴുവൻ വായിച്ചുകഴിഞ്ഞപ്പോൾ ആണ് പെട്ടെന്ന് ഒരു പോലീസുകാരൻ അകത്തേക്ക് കയറി വന്നത്..

 

“മാഡം..നമുക്ക് ഒരു വലിയ ബ്രേക്ത്രൂ കിട്ടിയിട്ടുണ്ട്..ജൈനിന്റെ ഡ്രെസ്സിൽ നിന്നും മറ്റൊരു ബ്ലഡ് സാമ്പിൾ കിട്ടിയിട്ടുണ്ട്..”