The Mythic Murders ?️Part:1 Chapter :3(Vishnu) 305

പിന്നീട് അഭി ചിരിച്ചു സംസാരിക്കുന്നത് ഞാൻ കണ്ടിട്ടില്ല…നീ വന്നപ്പോൾ ഞങ്ങൾക്ക് ഇടയിൽ ഉള്ള പ്രശ്നങ്ങൾ നീ കാണാതെ ഇരിക്കാൻ പരമാവതി നോക്കി..പക്ഷെ കാര്യമുണ്ടായില്ല …”

എല്ലാം കേട്ടു കഴിഞ്ഞ ധ്യാൻ ആകെ വല്ലാത്തൊരു അവസ്ഥയിൽ ആയിരുന്നു..മനസാകെ മരവിച്ചുപോയ അവസ്ഥ…അവന്റെ എല്ലാം എല്ലാമായ അഭിയും നന്ദുവും അനുഭവിച്ച സങ്കടം അവനെയും ആകെ ഉലച്ചുകളഞ്ഞിരുന്നു..

അവന്റെ നിയന്ത്രണം വിട്ട് കണ്ണില്‍ നിറഞ്ഞിരുന്ന കണ്ണുനീര്‍ അടര്‍ന്നു വീണു ..അവൻ കണ്ണൊന്നു തുടച്ചു കൊണ്ട് നന്ദനയുടെ തോളിലൂടെ കൈ ഇട്ടു അവളോട് ചേര്‍ന്നിരുന്നു..

“നന്ദു… ആദ്യമെ നിങ്ങൾക്ക് എന്നോട് ഇത് പറഞ്ഞുടായിരുന്നോ.. നിങ്ങളുടെ സന്തോഷത്തില്‍ മാത്രമല്ല നിങ്ങളുടെ ദുഃഖത്തിലും ഞാൻ ഉണ്ടാകില്ലേ…ഒരു കൂടപ്പിറപ്പിനെ പോലെ ഞാൻ കൂടെ ഉണ്ടാകില്ലായിരുന്നോ..”

അത് പറയുമ്പോൾ അവന്റെ ശബ്ദം ഇടറിയിരുന്നു…

അവർ രണ്ടുപേരും അങ്ങനെ കുറെ നേരം ഇരുന്നു ..അവൾ അവന്റെ തോളിൽ തല ചാരി ഇരുന്നു..അവൾക്ക് അപ്പോൾ സ്വന്തം കൂടപിറപ്പിന്റെ കൂടെ ഇരിക്കുന്നത് പോലെ തോന്നി..സ്വന്തം ചേട്ടന്റെ കൂടെ ഇരിക്കുമ്പോൾ ഉള്ള ആ ധൈര്യം അവൾക്ക് കിട്ടിയിരുന്നു..