The Mythic Murders ?️Part:1 Chapter :3(Vishnu) 305

നന്ദനയ്ക്ക് എന്താണ് പറയാനുള്ളത് എന്ന് കേള്‍ക്കാന്‍ ധ്യാന്‍ പരിഭ്രമത്തോടെ അവളെ നോക്കിയിരുന്നു..

“ഞങ്ങളുടെ കല്യാണം കഴിഞ്ഞപ്പോൾ മുതൽ എന്നോട് എന്റെ വീട്ടുകാർ മിണ്ടിയിട്ടുകൂടി ഇല്ല..എന്തിനു..ഞാൻ ജീവിച്ചു ഇരിക്കുന്നുണ്ടോ എന്നു പോലും അവർക്ക് അറിയണ്ട…അന്ന് മുതൽ എനിക് അഭിയും അഭിക്ക് ഞാനും ആയിരുന്നു ലോകം… അതെല്ലാം നിനക്കും അറിയാം, ധ്യാന്‍…

പിന്നേ കുറച്ചു കാലം കഴിഞ്ഞപ്പോൾ ഞങ്ങൾക്ക് ഇടയിലേക്ക് ഒരാൾ കൂടി വരണം എന്ന ആഗ്രഹം ഞങ്ങൾക്ക് ഉണ്ടായി… ഒരു കുഞ്ഞ്…

പക്ഷെ ദൈവം എല്ലാം നമുക്കു തരില്ലാലോ.. ഇവിടെയും ദൈവം ദൈവത്തിന്റെ വികൃതി കാണിച്ചു…ഞങ്ങൾക്ക് ഒരിക്കലും ഒരു കുഞ്ഞു ഉണ്ടാകില്ല, ധ്യാന്‍..”

അത് കേട്ട ധ്യാൻ ഞെട്ടി.. എന്തു പറയണം എന്ന് അറിയാത്ത അവസ്ഥ കാരണം അവന്‍ വിഷമിച്ച് നിന്നു .. എങ്ങനെയോ പ്രയാസപ്പെട്ടു അവൻ അവളുടെ മുഖത്തേക്ക് നോക്കി..

പക്ഷേ തുളുമ്പി വന്ന കണ്ണീരും നെഞ്ചില്‍ നിന്നും ഉയർന്നു വന്ന എങ്കലടിയും എങ്ങനെയോ പിടിച്ചു നിർത്തി കൊണ്ട് അവള്‍ കായലിലേക്ക് തന്നെ നോക്കി നില്കുകയായിരുന്നു…