◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆

~~ശ്രീരാഗം 3~~

Sreeragam Part 3 | Author : Thamburaan | Previous Part

◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆◆

” ശ്രീയേട്ടാ,, ഇനി എന്നാ ഏട്ടൻ ശ്രീമോളെ കാണാൻ വരിക ,,,,,… അപ്പൊ ,എന്റെ പിറന്നാളിന് ഏട്ടൻ ഉണ്ടാവില്ലേ ,, എനിക്ക് സമ്മാനം തരില്ലെ ”

പെട്ടെന്ന് അവൾ കഴുത്തിലെ മാലയിൽ മുറുകെ പിടിക്കുന്നത് അവൻ കണ്ടു…

അപ്പോഴാണ് ശ്രീഹരിയുടെ ശ്വാസം നേരെ വീണത്..

സ്വപ്നം കണ്ടതാണ് പെണ്ണ്….അതും ഞാൻ അവസാനം അവളെ കണ്ടപ്പോൾ പറഞ്ഞ വാക്കുകൾ… ശ്രീഹരി മനസ്സിൽ ഓർത്തു,,,,.. മുഖത്ത് ചെറുതായി ഒരു പുഞ്ചിരി വിടർന്നു….

ശ്രീദേവിയെ ഒന്നു കൂടി നോക്കിയതിന് ശേഷം,,,.. അവൻ പതുക്കെ ആ മുറി വിട്ട് പുറത്തിറങ്ങി,,,,.. മാവിലൂടെ പതുക്കെ ഇറങ്ങി….,,, ശബ്ദം ഉണ്ടാക്കാതെ മതിൽ ചാടി കടന്ന് നേരെ കാറിനടുത്തേക്ക് ചെന്നു…

ദേവൻ അപ്പോഴേക്കും വണ്ടിയിൽ കയറി ഇരിക്കുന്നുണ്ടായിരുന്നു..

ശ്രീഹരി ഡോർ തുറന്ന് ഡ്രൈവിങ് സീറ്റിലേക്ക് കയറി ഇരുന്നു…

” നീ ഇത്രേം നേരം അവിടെ എന്തെടുക്കുവാർന്നു…,, ഞാൻ ഇവിടെ എത്തിയിട്ട് കുറച്ചായല്ലോ…”

ശ്രീഹരി ഒന്ന് പുഞ്ചിരിച്ചുകൊണ്ട് ഒരു കണ്ണിറുക്കി കാണിച്ചു….

അതു കണ്ട് ദേവനും ചിരിച്ചു….

ശ്രീഹരി വണ്ടി മെല്ലെ മുൻപോട്ടെടുത്തു….

വണ്ടി നേരെ അവർ താമസിക്കുന്ന ഹോട്ടലിലേക്ക് വിട്ടു….,, സാധനങ്ങൾ ഒക്കെ എടുത്ത് വണ്ടി ലോക്ക് ചെയ്ത് അവർ റൂമിലേക്ക് നടന്നു….

” ടാ ശ്രീ,,,. അപ്പൊ ഇനി എന്താ പരിപാടി….”