💞 ശ്രീരാഗം 💞 3 [༻™തമ്പുരാൻ™༺] 1886

” നിന്റേം പിന്നെ ആരുടെയും..” ദേവൻ കളിയാക്കി ചോദിച്ചു…

 

” ശ്രീക്കുട്ടിയുടെയും..”

 

ശ്രീഹരി അതു പറഞ്ഞതിന് ശേഷം ആണ് ദേവന്റെ മുഖത്ത് നോക്കിയത്,,,.. അപ്പോഴാണ് അവന്റെ ആക്കി ഉള്ള ചിരി കാണുന്നത്…

 

ശ്രീഹരി തെല്ല് ജാള്യതയോടെ ചായ കുടിച്ചു തീർത്തു..,, കയ്യും മുഖവും കഴുകാൻ പോയി പിന്നാലെ ദേവനും …

 

അവർ ബിൽ സെറ്റിൽ ചെയ്ത് ഇറങ്ങി….
പതുക്കെ കാറിനടുത്തേക്ക് നീങ്ങി…

 

” ദേവാ ,,, പോകുന്ന വഴിക്ക് വല്ല തുണിക്കടയും തുറന്നിട്ടുണ്ടോ എന്നു നോക്കണം…രണ്ട് വെള്ളമുണ്ട് വാങ്ങണം… ”

 

ദേവൻ അതുകേട്ട് ആശ്ചര്യത്തോടെ ശ്രീഹരിയെ നോക്കി…

 

“ വെള്ളമുണ്ടോ.,.,.,., ആർക്ക്,.,..,., നിനക്കോ.,.,.,.,,

 

” ചുമ്മാ….,,,😜 ഒരു രസം…☺️”

 

ശ്രീഹരി വണ്ടി മുൻപോട്ടെടുത്തു…

 

പോകും വഴിയിൽ അവർ തുണിക്കടയിൽ കയറി,,, മൂന്ന് വെള്ളമുണ്ട് വാങ്ങി…,, അതിൽ ഒരെണ്ണം ശ്രീഹരി ട്രയൽ റൂമിൽ നിന്നും ഉടുത്ത് ഇറങ്ങി വന്നു…

 

” കൊള്ളാം ,,,, ഈ മുണ്ടും ഷർട്ടും നിനക്ക് നന്നായി ചേരുന്നുണ്ട്….,,, ഇത് സ്ഥിരം ആക്കിയല്ലോ.., പെണ്പിള്ളേർ ഒന്നും നിന്നെ വെറുതെ വിടില്ലാട്ടോ,,..”

 

” എന്തോ എന്നെ ഇഷ്ടമാണ് എല്ലാവർക്കും ”

 

ശ്രീഹരി ചെറുതായി തോൾ ഒന്ന് ചരിച്ചു ലാലേട്ടൻ സ്റ്റൈലിൽ പറഞ്ഞു…. അവിടെ നിന്നും പുറത്തിറങ്ങിയ അവർ നേരെ പോയത് ശ്രീനിലയത്തിലേക്കാണ്,,,.. ശ്രീഹരി ആണ് കാർ ഓടിക്കുന്നത്…. ഒരു മീഡിയം സ്പീഡിൽ ആണ് വണ്ടി പോകുന്നത്,,,. എഴുപതു Km/h.,.,….

 

ഇവന് ഇങ്ങനെ ഒക്കെ ഓടിക്കാൻ അറിയാമോ…ദേവൻ മനസ്സിൽ ആലോചിച്ചു…ബാംഗ്ലൂരിൽ വച്ചു ഇങ്ങനെ ഹൈവേയിൽ ഈ വണ്ടി നൂറ്റിയിരുപതിന് താഴെ പോകുന്നത് തന്നെ വല്ലപ്പോഴും ആണ്… റേസ് ട്രാക്കിൽ ആണെങ്കിൽ പിന്നെ പറയുകയും വേണ്ട…

 

കാർ റേസിംഗ് ഇവന് പ്രാന്താണ്…

 

അതിൽ ഇവൻ എത്ര പണം വേണമെങ്കിലും പന്തയം വക്കും… പക്ഷെ ഒരു തവണ പോലും പണം നഷ്ടപ്പെട്ടിട്ടില്ല….