💞 ശ്രീരാഗം 💞 3 [༻™തമ്പുരാൻ™༺] 1886

ശ്രീഹരി പതുക്കെ ഡോർ തുറന്ന് പുറത്തേക്കിറങ്ങി…
ആ കാലുകൾ മുറ്റത്ത് ആഞ്ഞു ചവിട്ടി,,, മണ്ണിൽ നിന്നും പൊടി പാറി ഉയർന്നു…

എല്ലാവരുടെയും നോട്ടം ശ്രീഹരിയിൽ ആണ്… എന്നാൽ ശ്രീഹരിയുടെ നോട്ടം ആദ്യം പോയത് രാധമ്മയിലേക്കാണ്… അപ്പോഴേക്കും ശ്രീദേവി രാധമ്മയെ പിടിച്ചു എഴുന്നേല്പിച്ചിരുന്നു…. അതു കണ്ട ശ്രീഹരി…ഒന്ന് ചുറ്റും നോക്കി… മനോഹരമായ പൂന്തോട്ടം താനൊക്കെ പണ്ട് ഓടിക്കളിച്ചിരുന്ന മുറ്റം… ഒന്ന് മനസ്സിൽ ചിരിച്ചു എന്നിട്ട് ശ്രീദേവിയുടെ അടുത്തേക്ക്‌ നടന്നു….

ശ്രീദേവി അവനെ ഒന്ന് നോക്കി…

എവിടെയോ കണ്ടു മറന്നപോലെ… ഓർമ്മ കിട്ടുന്നില്ല…,, പക്ഷേ അവനെ  കാണുമ്പോൾ അവളുടെ ഹൃദയതാളം  മുറുകുന്നു .,., ശരീരം ആകെ ഒരു വിറയൽ അനുഭവപ്പെടുന്നു.,..,., തന്റെ ആരോ ആണ് എന്ന് ഒരു ഫീൽ.,.,.,

6 അടിയോടടുത് ഉയരം , വെളുത്ത നിറം, വലത്തോട്ടു ചീകി ഒതുക്കി വച്ചിരിക്കുന്ന മുടി, കഴുത്തിൽ ഒരു സ്വർണമാലയിൽ എന്തൊക്കെയോ കോർത്തിട്ടിരിക്കുന്നു..

നീലക്കാര മുണ്ടും നീല ഷർട്ടും ആണ് വേഷം…കയ്യിൽ ഒരു വള ,,,.. അതിൽ എന്തോ എഴുത്തിട്ടുണ്ട്…,, നല്ല ഉറച്ച ശരീരം,,,.. നല്ല ഷെയ്പ്,,.. മസിലുകൾ എല്ലാം നല്ലപോലെ വിരിഞ്ഞനിന്നു…

കാണാൻ നല്ല സുന്ദരൻ…

നീല കണ്ണുകൾ.,,,.. നല്ല കട്ടി മീശ ,,,.. കട്ടത്താടി,,,.. ആരെയും കൂസാതെയുള്ള മുഖഭാവം…. തന്റെ നോട്ടം കണ്ടതും മുഖത്തു നോക്കി ഒന്ന് പുഞ്ചിരിച്ചു…

അവൻ ശ്രീദേവിയുടെ അടുത്തേക്ക് നടക്കുന്നത് കണ്ടപ്പോൾ ,,,.. മാർട്ടിൻ അവനെ തടഞ്ഞു…

” ങ്ഹും എങ്ങോട്ടാ…”

” അതെ ചേട്ടാ ആ മാഡത്തിന്റെ അടുത്തേക്ക്…”

” അതെന്തിനാന്ന്…” മാർട്ടിയുടെ ശബ്ദം ഉയർന്നു..

” ചേട്ടാ,,,… ഇവിടെ ഈ കാണുന്ന ഔട്ഹൗസ് കാലി ആയി കിടക്കുവല്ലേ…,..,
അതു വാടകയ്ക്ക് കൊടുക്കുന്നോ എന്ന് ചോദിക്കണം,,,”