” അല്ല അവളെ നിന്റെ ബുള്ളറ്റിൽ അവളുടെ വീട്ടിൽ നീ കൊണ്ടാക്കണം എന്ന് നിന്നോട് ഞാൻ പറയണം എന്ന് പറയാനാ എന്നെ ഇപ്പൊ അവൾ വിളിച്ചത് . എന്റെ പൊന്ന് വിഷ്ണു…… നീ അവളെ പിണക്കല്ലേടാ…. എന്റെ പണി പൂട്ടും . നീ നല്ല കുട്ടിയായി അവളെ അവളുടെ വീട്ടിൽ കൊണ്ട് ചെന്ന് ആക്ക് . പിന്നെ അവളോട് സംസാരിക്കുമ്പോൾ സൂക്ഷിച്ച് സംസാരിക്കണം ഇല്ലേൽ നിന്റെ പണി പോവും കേട്ടല്ലോ …. ഞാൻ പറഞ്ഞതൊന്നും മറക്കരുത് അവളെ വേഗം കൊണ്ടാക്ക് . ”

അജിൻ ചേട്ടൻ അതും പറഞ്ഞ് കോൾ കട്ട് ചെയ്തു .

‘ ഞാൻ ചെകുത്താനും കടലിനും ഇടയിൽപ്പെട്ട അവസ്ഥയായല്ലോ എന്റെ ദൈവമേ ……. എവിടെയോ ആരുടെയോ വായിൽ നോക്കി ഇരുന്ന പാമ്പിനെ എടുത്ത് മറ്റേടത്ത് വച്ച അവസ്ഥ ആയിപ്പോയി എന്റേത് ……. ഹോ ! ….. ‘

ഞാനതും മനസ്സിൽ വിജാരിച്ച് എന്റെ കയ്യിലിരുന്ന ഫോൺ ഞാൻ അവളുടെ നേരെ നീട്ടി . രണ്ടു കയ്യും കെട്ടി ഒരു വിജയിയുടെ പുഞ്ചിരി ഭാവവുമായി അവൾ എന്നെ നോക്കി കാറിൽ ചാരി നിൽക്കുകയാണ് .

ഞാൻ ഫോൺ അവൾക്കു നേരെ നീട്ടിയതും അവൾ അത് കയ്യിൽ വാങ്ങി .

” എന്താണ് ഹെൽപ്പറിന്റെ തീരുമാനം . എന്നെ വീട്ടിൽ കൊണ്ട് ചെന്ന് ആക്കുന്നോ ? അതോ അജിൻ ചേട്ടന്റെ ഗ്യാരേജിലെ പണി ഉപേക്ഷിക്കുന്നോ ? ”

അവൾ തന്റെ പുരികം പൊക്കി കൊണ്ട് എന്നോട് ചോദിച്ചു.

‘ നാശം ഇവളുടെ മുന്നിൽ തോൽക്കുന്നതിനേക്കാളും ഭേദം ജോലി കളയുന്നതാ …… ‘

എന്നാണ് ആദ്യം എന്റെ മനസ്സിൽ വന്നത് എന്നാൽ ജോലി ഉപേക്ഷിച്ചാൽ എന്റെ വരുമാനവും പോകും അതോടൊപ്പം ,

‘ ഉള്ള പണിയും കളഞ്ഞിട്ട് വന്നിരിക്കുന്നു സൽപുത്രൻ , നാല് കാശിന്റെ ഗുണമില്ല . ‘