ശിവശക്തി 5 [പ്രണയരാജ] 329

ഭടൻമാർ അവരെ അഗ്നി വൃത്തത്തിനു പുറത്തെത്തിച്ചു. ദാസികൾ അവരെ അന്തപ്പുരത്തിലേക്ക് കൊണ്ടു പോയി. എല്ലാം ഒരു നേർക്കാഴ്ച പോലെ കണ്ടു കൊണ്ടിരുന്ന ഗുരുനാഥൻ്റെ ഹൃദയത്തിലും ഒരു ചെറിയ ഭയം രൂപപ്പെട്ടു. അദ്ദേഹം മനസിൽ പ്രാർത്ഥനയാരംഭിച്ചു.

അല്ലയോ…. നാരായണ….

ആശാരിയുടെ ശരീരം പെട്ടെന്നു ജീർണിക്കുകയില്ല. കാരണം അതിനു ചുറ്റും നളന്ത പുഷ്പങ്ങൾ വിരാജിതമായിരിക്കുന്നു.  പത്തു ദിവസം അതിനാൽ സമയം ലഭിച്ചിരിക്കുന്നു. 101 കന്യകമാരുമായി തുടങ്ങിയ പൂജ 96 കന്യകമാരിൽ എത്തി നിൽക്കുന്നു. ഒരാളെങ്കിലും വിജയം കാണുമോ ദേവാ…….

നളന്ത പുഷ്പം, അതൊരു ദിവ്യ പുഷ്പമാണ്. സാക്ഷാൽ വിഷ്ണുവാൽ ഈ മണ്ണിൽ വിരിഞ്ഞ പുഷ്പം, അതിനു പിന്നിൽ ഒരു കഥയുണ്ട്, അളകനന്ദ എന്ന കന്യക , അവളുടെ പ്രണയവും, അതിനാൽ വിരിയപ്പെട്ട പൂവാണ് നളന്ത പുഷ്പം. 12 ദിനം വരെ വാടാതെ നിൽക്കുന്ന പുഷ്പം. ഈ പുഷ്പം നിൽക്കുന്ന ഭാഗം കാലചക്രം പതിയെ മാതമേ ചലിക്കും . നമ്മുടെ മണിക്കൂറുകൾ ഇതിനു ചുറ്റും മിനിറ്റ് മാത്രം അത്ര അതികം വ്യത്യാസമുണ്ട്.

അളകനന്ദ ഒരു സാധാരണ കർഷക കുടുംബത്തിൽ ജനിച്ചവൾ ആയിരുന്നു. ലാവണ്യപുരത്താണ് അവളുടെ ജനനം അതിനാൽ തന്നെ അവൾ നാരായണ വിശ്വാസിയായിരുന്നു. തികഞ്ഞ ഭക്ത,  അതുപോലെ തന്നെ അതിസുന്ദരിയുമായിരുന്നു.

അങ്ങനെ അവൾ ആദ്യമായി പ്രണയമെന്ന വികാരം അറിയുന്നത് കാർത്തികേയനിൽ നിന്നാണ്. കാർത്തികേയൻ ഒരു സമ്പന്നനായിരുന്നു. വർണ്ണശൈല്യത്തിലെ സമ്പന്ന കുടുംബത്തിലെ മൂത്ത സന്തതി. കാണാൻ സുമുഖൻ നല്ല സ്വഭാവം, തികഞ്ഞ ശിവ ഭക്തൻ.

അവർ പരസ്പരം കണ്ടു. കാർത്തികേയന് തോന്നിയ പ്രണയം അതാണ് അളകനന്ദയുടെ ജീവിതം തന്നെ മാറ്റി മറിച്ചത്. കാർത്തികേയൻ പലതവണ പ്രണയാഭ്യർത്ഥന നടത്തി തോൽവിയടഞ്ഞു. കാരണം അളകനന്ദ ഇവിടുത്തെ ആചാരങ്ങളെ മുറുകെ പിടിച്ചു. അവൾക്കു നല്ല പോലെ അറിയാമായിരുന്നു. ഒരിക്കലും അവരുടെ വിവാഹം നടക്കില്ല എന്ന്.

പക്ഷെ അഷ്ടമി മാസത്തെ പൂജാ… ദിനം അവളുടെ ജീവിതം മാറ്റി കുറിച്ചു.

( തുടരും….