? ഋതുഭേദങ്ങൾ ?️ 13 [ഖല്‍ബിന്‍റെ പോരാളി ?] 1023

അപ്പോഴേക്കും നേരം ഉച്ചയായിരുന്നു. അതോടെ രണ്ടുപേരും ലാപ്പ്ടോപ്പ് പഴയ സ്ഥാനത്ത് വെച്ചു താഴേക്ക് ഇറങ്ങി. താഴെയിറങ്ങി വരുമ്പോഴുള്ള കാഴ്ച മാളുട്ടിയ്ക്ക് ചോറ് വാരികൊടുക്കുന്ന മായേട്ത്തിയാണ്. ഹാളിലാണ് രണ്ടുപേരുമിരിക്കുന്നത്. മാളുട്ടി കാര്‍റ്റൂണ്‍ കാണുന്നതിനൊപ്പം ഭക്ഷണം അകത്താക്കുന്നുണ്ട്.

എല്ലാവരുടെയും ഉച്ചഭക്ഷണം കഴിഞ്ഞപ്പോ ദേവ് വീണ്ടും കുളത്തിനടുത്തേക്ക് പോയി. ഭദ്രമ്മയും മായേട്ത്തിയും ഉച്ചമയക്കത്തിനായി റൂമിലേക്ക് പോയി. അതോടെ മാളുട്ടി അനഘയുടെ കുടെ കൂടി. മുകളില്‍ അവരുടെ മുറിയില്‍ ബെഡിലിരിക്കുകയായിരുന്നു രണ്ടാളും… മാളുട്ടി എന്തോ അനഘയോട് പറയുന്നുണ്ടെങ്കിലും അനഘയുടെ ചിന്തകള്‍ വേറെയിടങ്ങളിലായിരുന്നു.

ഒഴിഞ്ഞുമാറാന്‍ നോക്കിയിട്ടും ദേവേട്ടന്‍ പിടിച്ചു രജിസ്ട്രര്‍ ചെയ്യിപ്പിച്ചതിനെ പറ്റി ചിന്തിച്ചപ്പോ മനസിന് വല്ലാത്ത വേദന തോന്നി. ഇവിടെ മാളുട്ടിയുമായുള്ള ദിവസങ്ങള്‍ കുറഞ്ഞു വരുന്നുവെന്ന കാര്യം അനഘ മനസിലേക്ക് കൊണ്ടുവന്നു.

ഓണത്തോടനുബന്ധിച്ച് എന്‍ഡ്രന്‍സ് എക്സാമുണ്ടാകും. അധികം വൈകാതെ ക്ലാസ് തുടങ്ങും. അതോടെ വൈദരത്ത് മനയും മാളുട്ടിയും മായേട്ത്തിയും ഭദ്രമ്മയുമെല്ലാം തന്നില്‍ നിന്ന് അകന്ന് തുടങ്ങും. പിന്നെ ഒരു പേപ്പറിന്‍റെ ബലത്തില്‍ നിയമപരമായ വിടവാങ്ങല്‍…. ഇപ്പോ ഇങ്ങനെ ചിന്തിക്കുമ്പോ വല്ലാത്ത നഷ്ടബോധം അവള്‍ക്ക് തോന്നി.

““പറ അമ്മേ…..”” മാളുട്ടിയുടെ കുലുക്കി വിളിയിലാണ് അനഘ ചിന്തകളില്‍ നിന്ന് വിമുക്തയായത്.

““ങേ….!!! എന്താ കണ്ണാ…..?”” കാര്യമറിയാതെ അനഘ മാളുട്ടിയോട് ചോദിച്ചു.

““ഞാന്‍ കര്‍റ്റൂണ് കാണാന്‍ പോക്കോട്ടെ…..”” മാളുട്ടി ചോദിച്ചു.

““എയ്…. ഇത്രയും നേരം കാര്‍ട്ടൂണ്‍ കണ്ടില്ലേ…. അതു മതി… ഇനിയും കാണുന്നത് കണ്ണിന് കേടാ….”” അനഘ മാളുട്ടിയുടെ അവശ്യത്തെ എതിര്‍ത്തുകൊണ്ട് പറഞ്ഞു. അമ്മയില്‍ നിന്നുള്ള എതിര്‍പ്പ് കേട്ടപ്പോ മാളുട്ടിയുടെ മുഖം മാറി തുടങ്ങി. അവള്‍ ചുണ്ട് പിളര്‍ത്തി സങ്കടം കാണിച്ചു അനഘയെ നോക്കി. അതു കണ്ടപ്പോ അനഘയ്ക്കും എന്തോ ഒരു സങ്കടം തോന്നി. വെറുതെ അവളെ വിഷമിപ്പിക്കണ്ട എന്ന ചിന്തഗതി അവളിലേക്ക് വന്നു. കുറച്ചു നാള് കുടെ അവളെ കാണാന്‍ പറ്റു…. അത്രയും നാളെങ്കിലും അവളെ സന്തോഷത്തോടെ കൊണ്ടുനടത്താമെന്ന് അവളതിന് ഉപായം കണ്ടെത്തി.

ഫോണേടുത്ത് യുടുബ് തുറക്കാന്‍ നേരമാണ് അനഘയ്ക്ക് ലാപ്ടോപ്പിന്‍റെ ഓര്‍മ്മയുണ്ടായത്. അവള്‍ക്ക് അതാണ് ഒന്നുടെ നല്ലതെന്ന് തോന്നി. അതുകൊണ്ട് ഷെല്‍ഫില്‍ വെച്ച ടാപ്ടോപ്പെടുത്ത് മാളുട്ടിയ്ക്ക് മുന്നില്‍ ഓണാക്കി കൊടുത്തു.