പക്ഷെ ആ സുന്ദര നിമിഷങ്ങൾ ഉറങ്ങിക്കൊണ്ട് നഷ്ടപ്പെടുത്താൻ മൂവരും ആഗ്രഹിച്ചിരുന്നില്ല. 

നേരം പുലരുവോളം ആ വീട്ടിൽ അങ്ങനെ അവനോടൊപ്പം ഒരുപാട് മിണ്ടുവൻ അവർ കൊതിച്ചു…

 

പക്ഷെ മൂവരും വാക്കുകൾ കിട്ടാതെ

ഉഴറുകയായിരുന്നു..

 

ആരെങ്കിലും ഒരു തുടക്കമിട്ടിരുന്നെങ്കിൽ എന്നവർ ആശിച്ചിരുന്നു…

 

മറുവശത്ത് റെജിയും മൗനവൃതത്തിൽ ആയിരുന്നു…

 

താൻ സ്വപ്നം പോലും കാണാത്ത കാര്യങ്ങളാണ് മുന്നിൽ നടക്കുന്നത് എന്നത് അവനിൽ വല്ലാത്തൊരു അത്ഭുതമുണ്ടാക്കി…

 

വല്ലാത്തൊരു പിരിമുറുക്കം അവന്റെ മനസ്സിനെ മധിച്ചു…

 

എന്ത് ചെയ്യണമെന്നോ പറയണമെന്നോ അറിയാത്ത സാഹചര്യം..

 

കുറച്ച് ദിവസങ്ങളായി പതിവില്ലാത്ത ഒട്ടേറെ കാര്യങ്ങൾ തന്റെ ജീവിതത്തിൽ നടക്കുന്നതവൻ ശ്രദ്ധിച്ചിരുന്നു…

 

തനിക്കുള്ളിൽ എന്തൊക്കെയോ മാറ്റങ്ങൾ സംഭവിക്കുന്നതായി അവന് തോന്നാതിരുന്നില്ല.

 

പക്‌ഷേ അപ്പോഴൊക്കെയും താൻ പഴയ റെജി തന്നെ എന്ന് അവൻ മനസ്സിനെ സ്വയം പറഞ്ഞു പഠിപ്പിച്ചു…

 

ഒരു വേള അവൻ തല ഉയർത്തി അമ്മച്ചിയെയും പെങ്ങന്മാരെയും നോക്കി…

 

റിൻസിയും റിനിയും കാഴ്ചകൾ കാണുന്ന തിരക്കിൽ ആണ്…

 

അവർ ചിത്രങ്ങൾ പുഞ്ചിരിയോടെ ആസ്വദിക്കുകയാണ്…