റെജിയുടെ സുവിശേഷങ്ങൾ 2 [മനൂസ്] [Climax] 3163

 

ഇരുവരും സംശയത്തോടെ അവരെ നോക്കി…

 

“അപ്പോ അമ്മച്ചിക്ക് പണ്ട് മുതലേ അറിയുമോ..”

 

റിനി ചോദിച്ചു…

 

“ഇല്ല… ഞാനും ഈ ഇടക്കാണ് പതിവില്ലാതെ ഇങ്ങനെയൊരു കാഴ്ച കണ്ടത്…

 

ഞാൻ അത് സന്തോഷത്തോടെ നമ്മടെ അച്ചനോട് അവന് വന്ന മാറ്റത്തെക്കുറിച്ച് പറഞ്ഞപ്പോൾ അച്ചനാണ് പറഞ്ഞത് അവൻ പണ്ട് മുതലേ അവിടെ വന്ന് പ്രാർത്ഥിക്കാറുണ്ടെന്നു…”

 

ഷേർളിയുടെ വാക്കുകളെ അത്ഭുതത്തോടെ ഇരുവരും കേട്ടിരുന്നു…

 

അവർ തുടർന്നു…

 

“ഒന്നുകിൽ നമ്മൾ ഇല്ലാത്തപ്പോൾ… അല്ലെങ്കിൽ നമ്മൾ പള്ളി കഴിഞ്ഞ് പോയിട്ടായിരിക്കും അവന്റെ ഇവിടേക്കുള്ള വരവ്…

 

ഇന്ന് നമ്മള് മേടയിൽ കയറി അച്ചനെ കണ്ടപ്പോൾ താമസിച്ചു… അവൻ കരുതിക്കാണും നമ്മള് പോയെന്ന്..

 

അതാണ് ഇങ്ങനെ നമുക്ക് കാണാൻ പറ്റിയെ..”

 

പുഞ്ചിരിയോടെ അവർ പറഞ്ഞു നിർത്തി…

 

“എടാ തൊരപ്പാ…”

 

റെജിയെ നോക്കി റിൻസി വിളിച്ചു…

 

ആ വിളി റിനിയിൽ വല്ലാതെ ചിരി പടർത്തി…

 

അപ്പോഴേക്കും റെജി പ്രാർത്ഥിച്ച ശേഷം തിരികെ നടന്നിരുന്നു…

 

കവാടത്തിനു വെളിയിൽ കടന്നതും തന്നെ നോക്കി നിൽക്കുന്ന അമ്മച്ചിയെയും പെങ്ങന്മാരെയും ആണ് അവന്റെ കണ്ണുകൾ എതിരേറ്റത്…