റെജിയുടെ സുവിശേഷങ്ങൾ 2 [മനൂസ്] [Climax] 3163

“ഞങ്ങളെ കണ്ണുരുട്ടി പേടിപ്പിക്ക്, അല്ലെങ്കിൽ അലർച്ചയോടെ എന്തേലും പറയു..

 

അതാണല്ലോ പതിവ്… ഇനി അതായിട്ട് മാറ്റണ്ട.

 

ഉള്ളിലെ സ്നേഹം മറച്ചുകൊണ്ട് എത്ര നാൾ ഇങ്ങനെ നടക്കാൻ പറ്റും…

 

അതും നിങ്ങളുടെ സ്നേഹത്തോടെയുള്ള ഒരു നോട്ടത്തിനായി കണ്ണിലെണ്ണയൊഴിച്ചു കഴിയുന്ന അമ്മച്ചിയുടെ മുന്നിൽ…”

 

 

റിനിയുടെ കണ്ണുകളിൽ നിന്നും കണ്ണീരൊഴുകി..

 

“ഞങ്ങൾ എന്ത് തെറ്റ് ചെയ്തു…”

 

റിൻസി തീ പാറുന്ന കണ്ണുകളോടെ അവനോട് ചോദിച്ചു…

 

“മക്കളെ… നിർത്തൂ…”

 

അപ്പോഴാണ് ചിലമ്പിച്ച അമ്മച്ചിയുടെ സ്വരം അവന്റെ കാതുകളിൽ എത്തിയത്…

 

റിൻസിയുടെയും റിനിയുടെയും ശബ്ദം കേട്ട് അവർ പുറത്തേക്ക് എത്തിയിരുന്നു..

 

ആ കണ്ണുകൾ നിറഞ്ഞിരുന്നു…

 

ശരീരത്തിലെ തളർച്ച ഷേർളിയുടെ മുഖത്ത് പ്രകടമായിരുന്നു..

 

“ഇല്ലമ്മച്ചി… അതറിയണം…പറ ഞങ്ങൾ എന്ത് തെറ്റ് ചെയ്തതെന്ന്…

 

ഈ അമ്മച്ചിയുടെ വയറ്റിൽ പിറന്നത് കൊണ്ടാണോ ഞങ്ങളോടും ഉള്ളിലുള്ള സ്നേഹം പ്രകടിപ്പിക്കാത്തത്…

 

എല്ലാ പെങ്ങന്മാരെയും പോലെ ഞങ്ങൾക്കുമില്ലേ മോഹങ്ങൾ…”

 

റിൻസി പറഞ്ഞു നിർത്തി…

 

“സ്നേഹമില്ലാത്ത ഒരാൾ ആയിരുന്നെങ്കിൽ അങ്ങനെ ആയതുകൊണ്ടാണ് ഈ അവഗണന എന്ന് ചിന്തിച്ചു സമാധാനിക്കാം..