രാക്ഷസൻ 11

Author : Führer

[ Previous Part ]  

കോമാളിയുടെ മുഖംമൂടി ധരിച്ച മായാജാലക്കാരന്‍ വിവിധ നിറത്തിലുള്ള അഞ്ചു ബോളുകള്‍ ഒരേസമയം മുകളിലേക്കു എറിഞ്ഞു കളിക്കുന്നു. അവന്റെ വേഗം ആളുകളെ ത്രസിപ്പിക്കുന്നതായിരുന്നു. അവര്‍ നോക്കി നല്‍ക്കേ ബോളുകള്‍ പൊട്ടിത്തെറിച്ചു കുഞ്ഞു കിളികളായി പറന്നുയര്‍ന്നു. കൂടി നിന്നവര്‍ ആവേശത്തോടെ കൈയടിച്ചു പ്രോത്സാഹിപ്പിച്ചു.

അപ്പോഴേയ്ക്കും മായാജാലക്കാരന്‍ അടുത്ത നമ്പരുമായി കാണികളെ ഹരംകൊളിക്കുന്ന പ്രകടനങ്ങള്‍ നടത്തി.

ഒറ്റയ്ക്കുള്ള അയാളുടെ പ്രടങ്ങള്‍ കണ്ടു നമ്പൂരിച്ചനും അയ്യപ്പനും അമ്പരന്നു നല്‍ക്കുകയാണ്.

അയ്യപ്പാ അവനാളുകൊള്ളാല്ലേ.

എന്തൊക്കെ വേലകളാ അവന്റെ കൈയില്‍.

അതേ ആശാനെ..

അവര്‍ പറഞ്ഞുകൊണ്ടിരിക്കുമ്പോഴേക്കും മായാജാലക്കാരന്‍ തന്റെ പ്രകടനങ്ങള്‍ അവസാനിപ്പിച്ചു കാണികളുടെ കൈയില്‍ നിന്നു സംഭാവന പിരിക്കാന്‍ തുടങ്ങിയിരുന്നു. അവന്റെ പ്രകടനം ഇഷ്ടപ്പെട്ടവര്‍ പത്തും നൂറും വീതം അവനു നല്‍കുന്നുണ്ടായിരുന്നു.

മായാജാലക്കാരന്‍ അവരുടെ അടുത്തെത്തി. പണത്തിനായി തന്റെ തൊപ്പി അവര്‍ക്കു നേരെ നീട്ടി.

ഡോ… താന്‍ ഞങ്ങള്‍ക്കുവേണ്ടി ഒരു നമ്പര്‍ കൂടെ കാട്ടടോ, നീ ചോദിക്കുന്ന പൈസ തരാം. നമ്പൂരിച്ചന്‍ ആവേശത്തോടെ പറഞ്ഞു.

ഇല്ല സാര്‍ എനിക്കു പോണം. കുറച്ചു തിരക്കുണ്ട്. അയാള്‍ തന്റെ തൊപ്പിക്കുള്ളിലെ പൈസ പോക്കറ്റിലേക്കു തിരുകികൊണ്ടു പറഞ്ഞു.

അങ്ങനങ്ങു പോയാലോ നീ. ആശാന്‍ പറഞ്ഞതുപോലെ ഒരു ഐറ്റം കൂടെ കാട്ടിയിട്ടു പോയാമതി. അയ്യപ്പന്‍ അല്‍പം ഭീഷണിയുടെ സ്വരത്തില്‍ പറഞ്ഞു.

മുഖംമൂടിയുടെ മറവില്‍ അവാളുടെ ഭാവം അവര്‍ക്ക് അന്യമായിരുന്നു.

Pages 1 2 3 4 5 6 7 8 9 10 11 12 13 14 15 16 17 18 19 20