രാക്ഷസൻ 9 [FÜHRER] 452

അവന്‍ അവരെ നോക്കി ചിരിച്ചതല്ലാതെ മറുപടിയൊന്നും പറഞ്ഞില്ല.

അലേകിന്റെ വീട്ടില്‍ ആരൊക്കെയുണ്ട്.. രാജശേഖരന്‍ ചോദിച്ചു.

ഇവിടെ എന്റെകൂടെ ഒന്‍പതു സഹോദരന്‍മാര്‍ ഉണ്ട്. നാട്ടില്‍ അചഛന്റെ സഹോദരന്‍ മാത്രമെയുള്ളൂ.

അലോകേട്ടാ വന്നിട്ട് ഒത്തി നേരമായയോ. മുത്ത് അവിടേക്ക് വന്നു ചോദിച്ചു.

ഭദ്രയും  നിര്‍മ്മലയും അവനടുത്തായി വന്നു നിന്നു.

രണ്ടിന്റെയും മുഖത്ത് കാര്യമായ സന്തോഷമില്ലെന്നത് അലോക് ശ്രദ്ധിച്ചു.

ഇതെന്തു പറ്റി സാധാരണ തന്നെ കാണുമ്പോള്‍ വാചകമടി നിര്‍ത്താറില്ല രണ്ടും.. അലോകിന്റെ മനസിലൂടെ പല ചിന്തകളും കടന്നു പോയി.

ഏട്ടന്‍ അമ്മേം അമ്മാവനേമൊക്കെ പരിചയപ്പെട്ടോ.

എന്തെങ്കിലും ചോദിക്കണമെന്ന മാത്രം ഉദ്ദേശിച്ചുള്ള മുത്തിന്റെ ചോദ്യം കേട്ടപ്പോഴേക്കും അവന്‍ ഉറപ്പിച്ചു. കാര്യമായ എന്തോ പ്രശ്‌നമുണ്ടെന്ന്.

അപ്പോഴേക്കും അലോകിന്റെ ഫേണ്‍ ശബ്ദിച്ചു. അവന്‍ ഫോണുമായി മാറിനിന്നു

അയ്യപ്പനാണു വിളിച്ചത്.

എടാ അവിടെ എത്തിയിട്ട് എങ്ങനുണ്ട്. എന്ത് പറയുന്നു നിന്റെ മുത്തും ഭദ്രയും.

എടാ ഞാന്‍ ഇവിടെ എത്തിയതേയുള്ളൂ. നീ വെച്ചോ ഞാന്‍ പിന്നെ വിളിക്കാം.അലോക് കോള്‍ കട്ടു ചെയ്തു.

മുത്തേ, ഞാനന്നാല്‍ പൊയ്‌ക്കോട്ടേ… വേരെ കുറച്ചു ആളുകളെ കൂടി കാണാനുണ്ടായിരുന്നു. തിരികെ വന്ന അവന്‍ ഭദ്രയോടും മുത്തിനോടും പറഞ്ഞു.

താന്‍ വന്ന സമയം ശരിയല്ലെന്ന് അവനു മനസിലായി. അപ്പോള്‍ അങ്ങനെ പറയാനാണു അവനു  തോന്നിയത്.

ഇപ്പോള്‍ വന്നതല്ലേ ഉള്ളൂ ഏട്ടാ. എന്തേലും കഴിച്ചിട്ടു പോകാം. മുത്ത് അവന്റെ കൈയ്യും പിടിച്ചുകൊണ്ടു ഡൈനിങ് ഏരിയയിലേക്കു പോയി. നിര്‍മ്മല അതു നോക്കി നിന്നു.

പ്ലേറ്റുകള്‍ നിരത്തുന്നതിനിടയിലാണു കോളിങ് ബല്‍ അടിച്ചത്. ഭദ്രയുടെ അമ്മ ആരാണെന്നു നോക്കാന്‍ പോയി. പിന്നാലെ രാജശേഖരനും നിര്‍മ്മലയും ചെന്നു.