രാക്ഷസൻ 9 [FÜHRER] 452

മുത്ത് പരിചയപ്പെടുത്തിയതും ഇരുവരും പരസ്പരം നോക്കി. അലോക് തന്റെ കണ്ണുകള്‍ ഭദ്രയില്‍ നിന്നു പിന്‍വലിച്ചു മുത്തിനോടു പിന്നെയും കുറച്ചു സംസാരിച്ചു. ഭദ്രയോടു ഒന്നു രണ്ടു വാക്കുകള്‍ മാത്രമാണ് അവന്‍ സംസരിച്ചത്. അത് അവള്‍ക്കു വിഷമം ഉണ്ടാക്കി.

അലോക് കഴിച്ചെണീറ്റു പുറത്തുപോയതും ഭദ്ര മുത്തിനെ പിടി കൂടി.

പറയടീ നിനക്കെങ്ങനാ അങ്ങേരെ പരിചയം. അവള്‍ നല്ല ദേഷ്യത്തിലായിരുന്നു. മുത്ത് നന്നായൊന്ന് ചിരിച്ചു കാട്ടി.

ചിരിക്കരുത് നീ. കഴിഞ്ഞ ദിവസം ഇതൊന്നുമല്ലല്ലോ നീ പറഞ്ഞത്. ആളെ അറിയില്ല. കണ്ടിട്ടില്ല.ചക്ക മാങ്ങ തേങ്ങ.

എന്നിട്ടിപ്പോ രണ്ടും കൂടെ ഭയങ്കര കത്തിയടിയായിരുന്നല്ലേ. ഞാനൊരുത്തി ഇവിടെ ഉണ്ടെന്ന ബോധം പോലും രണ്ടിനും ഇല്ലായിരുന്നു.

സോറീ ഡി ചക്കരേ. ഞങ്ങള്‍ ഇന്നലെ പരിചയപ്പെട്ടതാ. ഞാന്‍ രാവിലെ തന്നെ  അങ്ങേരുടെ വായില്‍ ചെന്നു ചാടിക്കൊടുത്തു.

പിന്നെ സോറിയെല്ലാം പറഞ്ഞു ഞങ്ങള്‍ ഫ്രണ്ട്‌സായി. മുത്ത് ആവേശത്തോടെ പറഞ്ഞു.

ഇതാരുന്നല്ലേ പട്ടി  ഇന്നലെ നീ കിണിച്ചോണ്ടിരുന്ന.

മുത്ത് ആണെന്നുള്ള രീതിയില്‍ തലയാട്ടി.

ദുഷ്‌ടേ ഒന്നു പറഞ്ഞിരുന്നെങ്കില്‍ ഞാന്‍ ഒന്നു നന്നായി ഒരുങ്ങിയൊക്കെ വന്നേനേ. അവള്‍ പരിഭവത്തോടെ പറഞ്ഞു.

ഒരുങ്ങിയിട്ടെന്തിനാ പൊന്നേ, പുള്ളി നിന്റെ മുഖത്തു പോലും നോക്കിയില്ലല്ലേ.

ഹാ, നീ പറഞ്ഞതും ശരിയാ.. ഇയാളെ ഞാന്‍ ഇനി എങ്ങനെ വളയ്ക്കും. അവള്‍ നെടുവീര്‍പ്പിട്ടു.

അല്ല പുള്ളിയെന്താ ഇവിടെ വന്നതെന്നു പറഞ്ഞോ. അവള്‍ ആകാംഷയോടെ ചോദിച്ചു.

ആ ബസ്റ്റ് നീ അപ്പോ ഞങ്ങള്‍ പറഞ്ഞതൊന്നും കേട്ടില്ലേ.

ഭദ്ര ഇല്ലെന്നു തലയാട്ടി.

ഡീ അങ്ങേരിവിടെ ഡോക്ടറാറി ജോയിന്‍ ചെയ്തു. വലിയ പുള്ളിയാ.. പി.എച്ച്.ഡി. ഒക്കെയെടുത്തിട്ടുണ്ട്. മുത്ത് വല്യ ഭാവത്തില്‍ പറഞ്ഞു.

എന്ത് എടുത്താലും കൊള്ളാം ഭാവിയില്‍ എന്റെ പിള്ളാരെ ചുമക്കാനുള്ളതല്ലേ. അവള്‍ ചിറികോട്ടി പറഞ്ഞു.

ഡീ നീ തമാശയ്ക്കാണോ ഈ പറയുന്നേ.. മുത്ത് സംശയത്തോടെ അവളെ നോക്കി.

മുത്തേ, എന്റെ കഴുത്തില്‍ ഒരു താലി വീഴുന്നുണ്ടെങ്കില്‍ അത് അയാളുടേതായിരിക്കും. അവള്‍ ഉറച്ചൊരു തീരുമാനമെന്നോണം പറഞ്ഞു.