രാക്ഷസൻ 9 [FÜHRER] 453

പോത്തുപോലെ കിടന്നുറങ്ങുന്നുണ്ട്. നീപോയി വേഷം മാറിവാ. കാപ്പി എടുത്തുവെക്കാം. അതും പറഞ്ഞു നിര്‍മ്മല അടുക്കളയിലേക്കു പോയി.

നിര്‍മ്മലയുടെയും രഘുനാഥിന്റെയും ഒരേ ഒരു മകളാണ് അക്ത.

ഭര്‍ത്താവില്‍ നിന്നു വേര്‍പിരിഞ്ഞു തന്റെ രണ്ടാമത്തെ സഹോദരന്‍ രാജശേഖരനൊപ്പമാണു അവര്‍ താമസിക്കുന്നത്..

രാജശേഖരന്റെയും ഡോക്ടർ മാനസിയുടെയും മകളാണു ഭദ്ര. ചെറുപ്പം മുതല്‍ തന്നെ ഭദ്രയും അക്ത എന്ന മുത്തും ഒരുമിച്ചാണു വളര്‍ന്നത്. മുത്ത് വീടിനു പുറത്തു പക്വതയുള്ള കുട്ടിയായിട്ടാണു പെരുമാറാറ്. എന്നാല്‍, ഭദ്രയാകട്ടേ എന്തിനും എതിനും പൊട്ടിത്തെറിച്ചാണു നടപ്പ്. ഇഷ്ടപ്പെടാത്ത എന്തു കാര്യംകണ്ടാലും അവള്‍ പ്രതികരിക്കും.

അതിപ്പോ കഴിക്കാന്‍ എടുത്ത ഭക്ഷണത്തിന്റെ കാര്യത്തിലായാലും ശരി നാട്ടിൽനടക്കുന്ന കാര്യമായാലും ശരി ഭദ്ര പ്രതികരിക്കും. അവള്‍ക്കു വട്ടാണെന്നാണു കൂട്ടുകാരും വീട്ടുകാരും പറയുന്നത്.

പക്ഷേ, അതു മുത്തിനോടാരേലും പറഞ്ഞാല്‍ അത് അവള്‍ക്കു സഹിക്കില്ല.. മുത്തിനു ഭദ്രയെ ജീവനാണു ഭദ്രയ്ക്കും അങ്ങനെ തന്നെ.

റൂമിലെത്തിയ മുത്ത് കാണുന്നത് ഒളിമ്പിക്‌സ് ദീപശിഖാ പ്രയാണത്തിനു പോകുന്ന അത്‌ലറ്റിനെ പോലെ കിടക്കുന്ന ഭദ്രയെയാണ്.

അവളുടെ ഫ്രണ്ടിന്റെ മാരേജ് ഫങ്ഷനു പോയി നല്ല പോലെ ഫുഡ് തട്ടിയിട്ടു വന്നുള്ള കിടപ്പാണെന്ന് മുത്തിനു മനസിലായി.

ഭദ്രയുടെ ഉറക്കം കണ്ടതും മുത്ത് പിന്നെ ഒന്നും നോക്കിയില്ല. ടേബിളിലിരുന്ന ജഗിലെ വെള്ളമെടുത്തു ഭദ്രയുടെ മുഖത്തേക്കൊഴിച്ചതും ഭദ്രയുടെ അലര്‍ച്ച ആ വീടിനെ പ്രകമ്പനം കൊള്ളിച്ചു.

അവിടേക്ക് ഓടിയെത്തിയ മാനസിയും നിര്‍മ്മലയും ഭദ്രയുടെ നിപ്പു കണ്ടു ചിരിച്ചു.

തലയില്‍ ഇറ്റിറ്റു വീഴുന്ന വെള്ളവുമായി ബെഡില്‍ ഇരിക്കുന്ന ഭദ്ര.

എന്താ മോളേ എന്താ പറ്റിയത്.. നിര്‍മ്മല ബഡ്ഷീറ്റുകൊണ്ട് അവളുടെ തല തുടച്ചു കൊണ്ടു ചോദിച്ചു.

ദാ അവളോടു ചോദിക്ക്… ഉറങ്ങിക്കിടന്ന എന്റെ തലയില്‍ വെള്ളമൊഴിച്ചതെന്തിനാന്ന്.ഭദ്ര മുത്തിനെ ചൂണ്ടി പറഞ്ഞു.

നിര്‍മ്മല മുത്തിനെ ദേഷ്യത്തോടെ നോക്കി..