പ്രാണേശ്വരി (climax) [പ്രൊഫസർ ബ്രോ] 737

ഇതെല്ലാം കണ്ട് ഒരാൾ അടുത്ത് നിന്ന് ചിരിക്കുന്നുണ്ട്

“എന്താടോ കിളവാ ചിരിക്കൂന്നേ… ”

“എന്റെ ലച്ചു ഇതിനെപ്പോലെ പൂതന ഒന്നുമല്ല… അയ്യോ… എന്തൊക്കെയായിരുന്നു…നീ തീർന്നടാ നീ തീർന്നു ”

ഒന്നും മിണ്ടാൻ പറ്റില്ല ഞാൻ കുറച്ചു മുൻപ് അങ്ങോട്ട് വച്ചത് എനിക്കിട്ട് തിരിച്ചു വച്ചതാണ്. ഒന്ന് ഇളിച്ചു കാണിച്ച് ചമ്മൽ മറച്ചു

“ഉണ്ണിയേട്ടാ… നമുക്ക് കുറച്ചു കറങ്ങീട്ടു പോകാം…”

“നാളെ രാവിലെ എഴുന്നേൽക്കണ്ടതല്ലേ… ”

“സാരമില്ല… ഇന്നിനീപ്പൊ പോയി കിടന്നാലും ഉറക്കം വരില്ല… ”

“ആ അതും ശരിയാ… ”

അനുഭവസ്ഥൻ ആണല്ലോ എന്റെ അവസ്ഥ പെട്ടന്ന് മനസ്സിലായി, ഞങ്ങൾ പിന്നെ തൊടുപുഴയിൽ നിന്നു വീട്ടിലേക്ക് പോകാതെ പാലാ റൂട്ടിലേക്ക് വണ്ടി തിരിച്ചു…

വണ്ടിയിലിരുന്ന് നാളത്തെ കാര്യം ആലോചിക്കുകയായിരുന്നു ഞാൻ, അപ്പോഴാണ് ഉണ്ണിയേട്ടന്റെ ഒരു സംശയം

“എടാ… നമ്മുടെ പാറ്റക്ക് ഒരു ലൈൻ ഉണ്ടായിരുന്നല്ലോ… എന്താ ആ കുട്ടിയുടെ പേര് ”

“ഫർസാന… ”

“ആ… ഫർസാന… അതെന്തായി ”

“ലൈൻ എന്നൊന്നും പറയാൻ പറ്റില്ല, അവന് ഇഷ്ടമായിരുന്നു, അവൾ ഇഷ്ടമാണെന്നോ അല്ലെന്നോ പറഞ്ഞിട്ടില്ല… പിന്നെ അവളുടെ കല്യാണവും കഴിഞ്ഞു ”

അവളുടെ കല്യാണം കഴിഞ്ഞു എന്ന് കേട്ടപ്പോൾ പുള്ളി എന്നെ ഒന്ന് നോക്കി

“നേരെ നോക്കി വണ്ടി ഓടിക്ക് മനുഷ്യാ… നാളെ എന്റെ കല്യാണമാ…”

“അല്ലടാ മുത്തേ… അപ്പൊ അവൻ പ്രേമ നൈരാശ്യത്തിലാണോ… ”

“അവന് വിഷമം ഒന്നും ഇല്ല എന്നാണ് ഞങ്ങളോട് പറഞ്ഞത്…പിന്നെ അവൻ അവളുടെ കല്യാണത്തിന് പോയിരുന്നു രണ്ടായിരമോ മൂവായിരമോ രൂപ വിലയുള്ള ഒരു തട്ടവും ഗിഫ്റ്റ് വാങ്ങിക്കൊടുത്തിട്ടാണ് പോന്നത് ”

അത് കേട്ടപ്പോൾ ഉണ്ണിയേട്ടൻ കുറച്ചു സമയം ആലോചിക്കുന്നത് കണ്ടു, ഇനി ഈ സീൻ ഏതേലും പടത്തിലും വരുമൊ എന്നറിയില്ല…

“അല്ല വേറെ ആർക്കും ലൈൻ ഒന്നും ഇല്ലായിരുന്നോ… ”

വീണ്ടും പുള്ളിയുടെ സംശയം

“ലൈൻ എന്ന് പറയാൻ ഒന്നും ഇല്ലായിരുന്നു… പിന്നെ pv കുറെ പെണ്പിള്ളേരുടെ പിന്നാലെ നടന്നിട്ടുണ്ട്.. പക്ഷെ എന്ത് ചെയ്യാം അവൻ ആരുടെ പിന്നാലെ നടന്നാലും അത് വേറെ ആർക്കെങ്കിലും സെറ്റ് ആകും, ആ പിന്നെ വേറൊരു കാര്യമുണ്ട് അടുത്ത മാസം pv യുടെ കല്യാണമാണ്, പ്രേമിച്ചേ കല്യാണം കഴിക്കു എന്ന് പറഞ്ഞു നടന്നവനാ പാവം ”

ഞാൻ പറഞ്ഞുകൊണ്ടിരുന്ന സമയത്ത് തന്നെ എന്റെ ഫോൺ ബെല്ലടിച്ചു, എടുത്ത് നോക്കിയപ്പോൾ മാളുവാണ് ഉണ്ണിയേട്ടനോട് പിണങ്ങി ഇരിക്കുന്നത് കൊണ്ട് എന്നെയേ വിളിക്കൂ

“എന്താ മാളു… ”

മാളു എന്ന് കേട്ടതേ ഉണ്ണിയേട്ടൻ എന്നെ നോക്കി. പുള്ളീനെ വിളിക്കാത്തതിലുള്ള കുശുമ്പുണ്ട് മുഖത്തു

“എടാ… നിങ്ങൾ ഇതെവിടെയാ… സമയമെത്രയായി എന്നറിയോ… വന്ന്‌ കിടന്നുറങ്ങാൻ നോക്ക്. രാവിലെ എഴുന്നേൽക്കണ്ടതാ ”