പ്രാണേശ്വരി (climax) [പ്രൊഫസർ ബ്രോ] 736

“പിന്നെ എന്റെ ലച്ചു ഈ പൂതനയെപ്പോലെ ഒന്നുമല്ല…”

“ആ… നിന്റെ വിശ്വാസം നിന്നെ രക്ഷിക്കട്ടെ ”

അന്ന് മൗഴുവനും മാളുവിനെ സോപ്പിടാൻ ഉണ്ണിയേട്ടൻ പുറകെ നടന്നെങ്കിലും ഒരു പ്രയോജനവും ഉണ്ടായില്ല.

“ആരൊക്കെയാ പുടവ കൊണ്ട് കൊടുക്കാൻ പോകുന്നത്”

അമ്മയുടെ ശബ്ദം… പത്തു മിനിറ്റുകൊണ്ട് പോകാനുള്ളവരെല്ലാം റെഡി ആയി,

“ആരാ വണ്ടി എടുക്കുന്നത് ”

വീണ്ടും അമ്മയുടെ ശബ്ദം…

“ഞാൻ എടുക്കാം…”

പെട്ടന്ന് ഒന്നും ആലോചിക്കാതെ ചാടിക്കയറി പറഞ്ഞതാ എല്ലാവരുടെയും കൂട്ട ചിരി കണ്ടപ്പോൾ വേണ്ടായിരുന്നു എന്ന് തോന്നിപ്പോയി

“ഓഹ്‌… എന്താ ഉത്തരവാദിത്വം,.. ഒരു ദിവസം കൂടി സമാധാനിക്ക് ”

എന്റെ വീട്ടിൽ ഉള്ള എല്ലാത്തിനെയും കൂട്ടി ഒരു ട്രോൾ ഗ്രൂപ്പ്‌ തുടങ്ങിയാലോ എന്നൊരു ആലോചന ഉണ്ടെനിക്ക്…

ഉണ്ണിയേട്ടൻ ആണ് വണ്ടി എടുത്തത്… പുള്ളി കൂടി പോയപ്പോൾ ഞാൻ വീണ്ടും പോസ്റ്റ്‌ ആയി, അതിനിടയിലും ഓരോ ആളുകൾ വന്ന്‌ എന്തൊക്കെയോ പറഞ്ഞിട്ട് പോകുന്നുണ്ട്… ഒന്നും കേട്ടില്ലേലും ചുമ്മാ ചിരിക്കും,  അവർക്കും ഒരു സന്തോഷം എനിക്കും ഒരു സന്തോഷം

അവർ പോയി കുറച്ചു കഴിഞ്ഞപ്പോൾ പാറ്റയുടെ കാൾ വന്നു

“എടാ… സാധനം തീർന്നുപോയി”

ഒരു ഹലോ പോലും പറഞ്ഞ് സമയം കളയാതെ നേരെ കാര്യത്തിലേക്ക് കടന്നു mr പാറ്റ

“നിങ്ങൾ എന്താ അതിൽ കുളിക്കുവാരുന്നോ”

“ആ… അത് ഞങ്ങൾ എന്തേലും ചെയ്തോളാം… ഇപ്പൊ സാധനം വാങ്ങിക്കൊണ്ട് വാ ”

“കുറച്ചു കഴിയട്ടെ… ഉണ്ണിയേട്ടൻ ഒക്കെ വണ്ടിയും കൊണ്ട് പോയി ”

“അവിടെ വേറെ വണ്ടി ഇല്ലേ… ”

“എന്റെ പോന്നു..#&&&%@ ആ വണ്ടിയിലാണ് സാധനം ഇരിക്കുന്നത് ഒന്ന് വന്നോട്ടേ അങ്ങോട്ട് എത്തിക്കാം”

“ആ പിന്നെ… വരുമ്പോ രണ്ട് BDF കൂടെ വാങ്ങിക്കോ…”

“പാതിരാത്രി നിന്റെ വല്യപ്പൻ ഉണ്ടാക്കി വച്ചേക്കുന്നോ കട”

“അപ്പൊ എന്തേലും എടുത്തോണ്ട് വാ… ടച്ച്‌അപ്പ്‌ തീർന്നുപോയി ”

“ആ ശരി…”

കാര്യം പറഞ്ഞ് കഴിഞ്ഞതും വേറെ ഒന്നും ചോദിക്കാതെ ആ തെണ്ടി ഫോൺ വച്ചു

പിന്നെയും രണ്ട് മൂന്ന് മണിക്കൂർ എടുത്തു പോയവർ തിരിച്ചു വരാൻ… ഉണ്ണിയേട്ടൻ വന്നതും ഞങ്ങൾ പാറ്റയുടെ അടുത്തേക്ക് പോയി

റൂം തുറന്നു ചെല്ലുന്നതെ കാണുന്നത് കുറെയെണ്ണം നിലത്തും കുറെയെണ്ണം കട്ടിലിലും ഇരിക്കുന്നതാണ്, മുറി ആകെ പുക മയം… എല്ലാർക്കും കൂടി 6 റൂം എടുത്തിട്ടുണ്ട് എന്നാലും എല്ലാം ഒരു റൂമിൽ തന്നെയാണ്