പ്രാണേശ്വരി (climax) [പ്രൊഫസർ ബ്രോ] 736

റൂമിൽ ചെന്ന് കട്ടിൽ കണ്ടതേ എനിക്കുറങ്ങാൻ തോന്നുന്നുണ്ട്, എന്നാലും ലച്ചു വരാതെ ഉറങ്ങുന്നത് എങ്ങനാ

പിന്നെയും കുറച്ചു സമയം കാത്തിരിക്കേണ്ടി വന്നു ലച്ചു വരാൻ, അപ്പോഴേക്കും എന്റെ കണ്ണുകൾ പതിയെ അടഞ്ഞു തുടങ്ങിയിരുന്നു

“ടാ… ”

ലച്ചുവിന്റെ വിളി കെട്ട് കണ്ണ് തുറന്നു നോക്കുമ്പോൾ കയ്യിൽ ഒരു ഗ്ലാസ് പാലുമായി നിൽക്കുന്നു ലച്ചു

സിനിമയിൽ അല്ലാതെ ഇതൊക്കെ ഇപ്പോഴും നിലനിൽക്കുന്നുണ്ട് എന്നത് എനിക്ക് പുതിയൊരു അറിവായിരുന്നു

“ടാ… പാല് ”

പെണ്ണിന്റെ നാണം കണ്ടാൽ തോന്നും ഞങ്ങൾ തമ്മിൽ ആദ്യം കാണുന്നത് ആ റൂമിൽ വെച്ചാണെന്ന്

ഞാൻ അവളുടെ കയ്യിൽ നിന്നും ഗ്ലാസ്‌ വാങ്ങി പകുതി കുടിച്ച് ബാക്കി അവൾക്ക് നീട്ടി, നാണത്തോടെ തന്നെ വാങ്ങി ബാക്കി അവളും കുടിച്ചു

“നീയെന്താ ലച്ചു എന്നെ ആദ്യമായി കാണുവാണോ, ഇത്രക്ക് നാണം”

“പോടാ… ഞാൻ ഇങ്ങനെയൊക്കെ ആദ്യമാ”

“ആ… ഞാൻ പിന്നെ ഇതിനു  ട്യൂഷനു പോയിട്ടുണ്ടല്ലോ”

“പോടാ ഒന്ന് ”

അവൾ ചിരിച്ചുകൊണ്ട് എന്റെ കൈക്കിട്ടു ഒന്നടിച്ചു

“ലച്ചൂസേ… ”

“ഹ്മ്മ്… ”

“നമ്മുടെ കല്യാണം കഴിഞ്ഞു ല്ലേ ”

“ഹ്മ്മ്”

“ഇന്ന് നമ്മുടെ ആദ്യരാത്രി ആണ് ”

“ഹ്മ്മ് ”

“അപ്പൊ ഇനി എന്താ…”

“ആ…എനിക്കറിയില്ല ”

“എന്നാ ഞാൻ പറയട്ടെ…”

“ഹ്മ്മ് ”

“നമുക്കെ… നമുക്ക് ഉറങ്ങാം എനിക്ക് നല്ല ഉറക്കം വരുന്നുണ്ട് ”

ഞാൻ അത് പറഞ്ഞ് കഴിഞ്ഞപ്പോൾ പെണ്ണൊന്നു നെടുവീർപ്പിട്ടുകൊണ്ട് എന്നെ നോക്കി ഒരു കള്ള ചിരി ചിരിച്ചു

“ഓഹ്‌… ഞാൻ നിന്നോട് അങ്ങോട്ട് പറയാൻ ഇരിക്കുവാരുന്നു… എനിക്കും നല്ല ഉറക്കം വരുന്നു ”

“അപ്പൊ വാ കിടക്കാം ”

“ആ, ഞാൻ ഈ സാരിയൊന്ന് മാറട്ടെ ”

“സാരിയൊന്നും മാറണ്ട… നീ വാ ”

അവൾ കുറച്ചു സമയം ഒന്ന് ചിന്തിച്ചു

“ആ എന്നാ വാ… കിടക്കാം ”

അവൾ കട്ടിലിന്റെ ഒരു സൈഡിലായി കിടന്നു, അവൾ കിടന്ന ഉടനെ ഞാൻ ഇട്ടിരുന്ന ഷർട്ട്‌ മാറിക്കളഞ്ഞു,ലച്ചു എന്നെ നോക്കിക്കൊണ്ട് കിടക്കുകയായിരുന്നു

എന്റെ നഗ്നമായ മാറിൽ നോക്കിയപ്പോൾ പെണ്ണിനൊരു നാണം വന്നു, അവൾ ചിരിച്ചു കൊണ്ട് മുഖം വെട്ടിച്ചു

“എനിക്ക് ഷർട്ട്‌ ഇട്ടാൽ ഉറങ്ങാൻ പറ്റില്ല ”

അത് പറഞ്ഞുകൊണ്ട് ഞാനും കട്ടിലിൽ ഒരു സൈഡിലായി കിടന്നു,