പ്രണയ നൊമ്പരം [മനൂസ്] 3008

പൊയ്ക്കൊണ്ടേയിരുന്നു…..

മാസങ്ങൾക്കു ശേഷമുള്ള ഒരു ദിവസം ആ മന്ദിരത്തിൽ എന്നെ തിരക്കി രണ്ട് അതിഥികൾ എത്തി….. നാട്ടിലെ തന്നെ പ്രമുഖ ബിസിനെസ്സ്കാരനായ ജേക്കബും ഭാര്യയും ആയിരുന്നു അത്…. ഇത്രയും വലിയ ആളുകൾ എന്നെ തേടി വന്നതെന്തിനാണ് എന്ന ചിന്ത എന്നെ ഭയപ്പെടുത്തി.പക്ഷെ അവരുടെ വിഷാദ മുഖങ്ങൾ എന്നിൽ കൂടുതലും സംശയമാണ് ഉണർത്തിയത്…..

അവരുടെ വരവിന്റെ ഉദ്ദേശം അറിഞ്ഞപ്പോൾ അത് എന്നിൽ വലിയ ഞെട്ടൽ ഉളവാക്കി…

അവർ തങ്ങളുടെ ഏക മകളെ എനിക്ക് വേണ്ടി വിവാഹം ആലോചിക്കാനാണ് വന്നത്…അവരുടെ വാക്കുകളെ എനിക്ക് വിശ്വസിക്കാൻ ആയില്ല…. ഇത്രയും വലിയ മണിമാളികയിൽ താമസിക്കുന്നവർ,, പറയാൻ ബന്ധുക്കളായി ആരുമില്ലാത്ത അനാഥാലയത്തിൽ അന്തിയുറങ്ങുന്ന എനിക്ക് വേണ്ടി മകളെ ആലോചിക്കുന്നോ..

നടക്കുന്നത് സ്വപ്നമാണോ എന്നുപോലും ചിന്തിച്ചു…പണക്കാരുടെ ആ ലോകം എന്നും എനിക്ക് പേടി സ്വപ്നമായിരുന്നു….എല്ലാം കേട്ട് പകച്ചു നിൽക്കാനെ എനിക്ക് കഴിഞ്ഞിരുന്നുള്ളൂ….

അവരുടെ പെരുമാറ്റത്തിൽ പക്ഷെ ഒരുപാട് വിഷമം അനുഭവിക്കുന്നവരാണ് എന്ന് മനസ്സിലാക്കാൻ കഴിഞ്ഞു……അവരുടെ മോനെ എന്ന് വിളിച്ചുള്ള ഓരോ വാക്കുകളും അറിയാതെ ആണെങ്കിലും ഞാൻ കേട്ടിരുന്നു പോയി……അപ്പോഴും അവരുടെ ആവശ്യം അംഗീകരിക്കാൻ മനസ്സ് മടിച്ചു……

എന്നെപോലെ തന്നെ ആരോരുമില്ലാത്ത ഒരു പാവം കുട്ടിയെ വിവാഹം ചെയ്ത് സംരക്ഷിചു ,,പരസ്പ്പരം ആശ്വാസമേകാൻ ആയുരുന്നു എന്റെ ആഗ്രഹം..

ഉള്ളിലെ പതർച്ച മാറ്റി ഞാൻ അവരെ എന്റെ തീരുമാനം അറിയിച്ചു….പക്ഷെ അപ്പോഴും അവർ അതിൽ നിന്നും പിന്മാറാൻ ഒരുക്കമായിരുന്നില്ല…. വീണ്ടും അവർ യാചനയുടെ സ്വരം ഉയർത്തി….

എനിക്കപ്പൊഴും അവർ എന്തിന് എന്നെ തേടി വന്നത് എന്തിനു എന്ന ചിന്ത അലട്ടി..എന്റെ സംശയങ്ങൾ ഞാൻ അവരോട് ചോദിക്കുമ്പോഴും വ്യക്തമായ മറുപടികൾ അവർ എനിക്ക് നൽകിയിരുന്നില്ല..

ഒടുവിൽ ഒരു തവണയെങ്കിലും തങ്ങളുടെ വീട്ടിലേക്ക് വരാൻ അവർ നിർബന്ധിച്ചു…
എല്ലാം കേട്ടുകൊണ്ടിരുന്ന ഡെയ്സി സിസ്റ്റർ ആവശ്യപെട്ടത് പ്രകാരം അവരോടൊപ്പം വീട്ടിലേക്ക് പോകാൻ ഞാൻ സമ്മതിച്ചു….
അപ്പോഴും എന്റെ ഉള്ളിലെ സംശയങ്ങൾ കെട്ടടങ്ങിയിരുന്നില്ല….

കൊട്ടാരം പോലൊരു മണിമാളികക്കു മുന്നിൽ ആണ് അവർ കാർ നിർത്തിയത്…. അത് കണ്ട് പകച്ചു നിന്ന എന്നെ അവർ അകത്തേക്ക് ക്ഷണിച്ചു… സിസ്റ്ററോടൊപ്പം ഞാനും ഉള്ളിലേക്ക് കടന്നു…. അവർ എന്നെ വീടിന്റെ മുകൾ നിലയിലേക്കാണ് കൊണ്ടുപോയത്…
അവർ കാണിച്ച വഴിയേ ഞാനും നടന്നു….

മുകളിൽ ആദ്യം കാണുന്ന മുറി തുറന്ന് അദ്ദേഹം എന്നെ ഉള്ളിലേക്ക് ക്ഷണിച്ചു… അകത്തേക്ക് കയറിയ സ്തംഭിച്ചു പോയി. അപ്രതീക്ഷിതമായ കാഴ്ചയാണ് മിഴകളെ വരവേറ്റത്..

“ജീനാ…….”
അറിയാതെ എന്റെ ഉള്ളിൽ നിന്നും ആ പേര് ഉച്ചരിച്ചു…