💞പവിത്രബന്ധം💞 [പ്രണയരാജ]💞 229

അതിനവൾ പുഞ്ചിരിക്കുക മാത്രം ചെയ്തു.

അല്ല , അന്ന് താൻ എന്നെ വിശ്വസിച്ചിരുന്നോ ആവണി.

അത് ജഗൻ ഞാൻ,

എടോ… ഞാൻ എല്ലാം പറഞ്ഞില്ലെ, പിന്നെ തന്നെന്തിനാ മടിക്കുന്നത്,

അതു വേണ്ട ജഗൻ, ജഗനു ചിലപ്പോ സങ്കടമായാലോ….

എനിക്കൊ… നല്ല കാര്യം താൻ പറഞ്ഞേ…

അന്ന് സത്യത്തിൽ ഞാൻ വിശ്വസിച്ചിരുന്നില്ല ജഗൻ.

അതെന്താ….

കൂട്ടുകാര് നിർബദ്ധിച്ചതോണ്ട് ഒരാൾ ഈ പണിക്കു വന്നെന്നു പറഞ്ഞാ… ഏതു പെണ്ണാ വിശ്വസിക്കുക.

അതെന്താടി, വിശ്വസിച്ചാൽ

അത് ആവിശ്യക്കാരല്ലെ ഈ പണിക്കു വരു.

എന്നിട്ടു ഞാൻ നിന്നെ തൊട്ടോ… ഇല്ലല്ലോ അപ്പോഴും നിനക്കു വിശ്വാസമായില്ലെ.

സത്യം പറഞ്ഞാ….

പറയെടി….

എനിക്കു വിശ്വാസമായില്ല ജഗൻ

അതെന്താടി,

ഞാൻ കരഞ്ഞതും, പിന്നെ തുടക്കക്കാരിയാണെന്നും തോന്നിയപ്പോ താൻ എന്നെ മനപ്പൂർവ്വം ഒഴിവാക്കിയതാണെന്നു ഞാൻ കരുതി.

എന്തിനാ നീ അങ്ങനെ ഒക്കെ ചിന്തിച്ചെ

ഒരു പെൺക്കുട്ടിയുടെ ജീവിതം തകർക്കാൻ തനിക്കിഷ്ടമല്ലെന്നാ ആ സമയം എനിക്കു തോന്നിയെ, അന്നു ഞാനല്ലായിരുന്നെങ്കിൽ താൻ പലതും ചെയ്തേനെ എന്ന് എൻ്റെ മനസു പറഞ്ഞു.

ഛെ, എന്നെക്കുറിച്ച് ഇത്ര മോശം അഭിപ്രായായിരുന്നോ….

കണ്ടോ കണ്ടോ… ഇതാ ഞാൻ പറയുന്നില്ലെന്നു പറഞ്ഞേ…

ഞാൻ വെറുതെ പറഞ്ഞതാ… ആവണി… നീ പറ

വേണ്ട, എനി മതി

നീ… പറഞ്ഞേ… ഇപ്പോ നമ്മൾ ഒന്നല്ലേടി..

അതു വേണോ ജഗൻ

വേണം, എനിക്കറിയണം ആവണി, പ്ലീസ്

ഒക്കെ, ഞാൻ പറയാം.

ജഗൻ, ഞങ്ങൾ പെണ്ണുങ്ങൾ പ്രായപൂർത്തിയായാൽ , ശരീരം വളർന്നു തുടങ്ങിയാൽ കാണാൻ തുടങ്ങുന്ന കാഴ്ച്ചയുണ്ട്, ശരീരം കാർന്നു തിന്നുന്ന പുരുഷൻമാരുടെ, നോട്ടം. ചിലപ്പോ തോന്നും അവര് നോക്കി തന്നെ ചോര ഊറ്റി കുടിക്കുമെന്ന്, ആ കാമ നോട്ടത്തിനിടയിലാ ഞങ്ങൾ പെണ്ണുങ്ങൾ വളർന്നു വരുന്നത്.

ആവണി, ഇതൊക്കെ ഇപ്പോ പറയുന്നതെന്തിനാ….

നിന്നെക്കുറിച്ചല്ല എൻ്റെ ചക്കരെ ഞാൻ ഉദ്ദേശിച്ചെ.ഞാൻ പറയാം നീ കേക്ക്

ഉം….

അങ്ങനെ വളരുന്ന ഞങ്ങൾ, അന്നു നമ്മൾ കണ്ടു മുട്ടിയ സാഹചര്യത്തിൽ നീ പറഞ്ഞത് ഒരിക്കലും വിശ്വസിക്കില്ല. പിന്നെ എന്നെ കൂടുതൽ സംശയിക്കാൻ ഇടയാക്കിയത് നീ കാശ് തരാം എന്നു പറഞ്ഞതാണ്.